Mon, 17 Feb 2025 11:55:57
دہلی میں پیر کی صبح تقریباً 5:36 بجے زلزلے کے شدید جھٹکے محسوس کیے گئے۔ زمین چند سیکنڈ تک ہلتی رہی جس سے لوگ خوف کے عالم میں گھروں سے باہر نکل آئے۔ زلزلے کی شدت ریکٹر اسکیل پر 4.3 ریکارڈ کی گئی اور اس کا مرکز دہلی کے قریب زمین سے 5 کلومیٹر کی گہرائی میں تھا، جس کی وجہ سے جھٹکے زیادہ شدید محسوس ہوئے۔ چند سیکنڈوں تک جاری رہنے والے ان جھٹکوں کے دوران عمارتوں میں بھی زبردست کمپن محسوس کی گئی۔
View more
Mon, 17 Feb 2025 11:45:11
امریکہ سے غیر قانونی ہندوستانی تارکین وطن کی تیسری کھیپ امرتسر پہنچ گئی ہے، جس میں کل 112 افراد شامل ہیں۔ یہ طیارہ اتوار 16 فروری کو رات 10:09 پر امرتسر کے ہوائی اڈے پر پہنچا۔ امریکہ سے واپس بھیجے گئے 112 افراد میں سے 44 کا تعلق ہریانہ، 33 کا گجرات، 31 کا پنجاب، دو کا اتر پردیش، اور ایک ایک کا اتراکھنڈ اور ہماچل پردیش سے ہے۔
View more
Mon, 17 Feb 2025 11:22:14
سماجوادی پارٹی کے سربراہ اور اترپردیش کے سابق وزیر اعلیٰ اکھلیش یادو نے مہاکمبھ کے دوران سڑک حادثات میں اضافے پر حکومت کو سخت تنقید کا نشانہ بنایا ہے۔ انہوں نے کہا کہ بدنظمی اور ناقص انتظامات کی وجہ سے روزانہ حادثات ہو رہے ہیں، جس میں متعدد عقیدت مند اپنی جان سے ہاتھ دھو بیٹھے ہیں۔
View more
Mon, 17 Feb 2025 11:16:18
دہلی اسمبلی انتخابات میں کامیاب ہونے والی بی جے پی کے وزیر اعلیٰ کی حلف برداری کی تقریب 18 فروری بروز منگل دوپہر 12 بجے رام لیلا میدان میں منعقد کی جائے گی۔ اس سے ایک دن قبل 17 فروری کو بی جے پی کی قانون ساز پارٹی کی میٹنگ دہلی اسٹیٹ آفس میں ہوگی، جہاں وزیر اعلیٰ کے نام کا اعلان کیا جائے گا۔ تمام منتخب اراکین اسمبلی کو اس میٹنگ کے لیے آگاہ کر دیا گیا ہے۔
View more
Mon, 17 Feb 2025 11:08:09
مہاراشٹر کے ناگپور ضلع میں اتوار (16 فروری) کو ایس بی ایل بارود فیکٹری میں زوردار دھماکہ ہوا، جس کے نتیجے میں 2 افراد کی ہلاکت اور کئی دیگر کے زخمی ہونے کی اطلاعات ہیں۔ ذرائع کے مطابق دھماکے کے وقت فیکٹری میں کچھ ملازمین موجود تھے۔ ایک سینئر پولیس افسر نے بتایا کہ واقعے کی تحقیقات شروع کر دی گئی ہیں،
View more
Mon, 17 Feb 2025 10:58:18
نئی دہلی ریلوے اسٹیشن پر ہفتہ کی رات ہونے والی بھگدڑ کے افسوسناک واقعے میں کم از کم 18 افراد کی ہلاکت اور درجنوں کے زخمی ہونے کی اطلاعات ہیں۔ حادثے کے بعد ریلوے انتظامیہ نے اسٹیشن پر سیکیورٹی سخت کرتے ہوئے بڑی تعداد میں پولیس فورس تعینات کر دی ہے، جبکہ واقعے کی تحقیقات شروع کرنے کے احکامات بھی جاری کر دیے گئے ہیں۔
View more
Mon, 17 Feb 2025 10:45:07
دہلی پردیش کانگریس کمیٹی کے صدر دیویندر یادو نے نئی دہلی ریلوے اسٹیشن پر پیش آنے والے المناک حادثے پر شدید افسوس کا اظہار کرتے ہوئے ریلوے انتظامیہ کی کارکردگی پر سوال اٹھائے۔ انہوں نے کہا کہ یہ حادثہ ناقص انتظامات اور لاپرواہی کا نتیجہ ہے، جس کی وجہ سے مسافروں میں بھگدڑ مچ گئی اور کئی قیمتی جانیں ضائع ہوئیں۔
View more
Mon, 17 Feb 2025 10:32:38
ملک میں ان دنوں 'انڈیاز گوٹ لیٹینٹ' شو کو لے کر شدید تنازعہ جاری ہے۔ شو میں غیر مہذب اور متنازعہ بیانات کے باعث رنویر الہ آبادیا اور سمئے رینا قانونی مشکلات میں گھر چکے ہیں، اور ان کے خلاف ایف آئی آر بھی درج کی جا چکی ہے۔ اسی تنازعے میں مشہور کامیڈین انوبھو سنگھ بَسّی کا نام بھی جڑ گیا ہے، جس کے نتیجے میں ان کا لکھنؤ میں طے شدہ اسٹینڈ اپ شو منسوخ کر دیا گیا۔
View more
Sun, 16 Feb 2025 19:27:39
نیو انڈیا کوآپریٹو بینک گھوٹالہ کیس میں ایک اور گرفتاری عمل میں آئی ہے۔ اقتصادی جرائم ونگ (ای او ڈبلیو) نے اس معاملے میں ڈویلپر دھرمیش پون کو گرفتار کر لیا ہے۔ تحقیقات کے دوران یہ انکشاف ہوا کہ دھرمیش نے گھوٹالے کے 122 کروڑ روپے میں سے 70 کروڑ روپے حاصل کیے تھے۔
View more
Your experience on this site will be improved by allowing cookies
Cookie Policy
