منیلا،12؍اکتوبر(ایس او نیوز ؍آئی این ایس انڈیا)فلپائنی دارالحکومت منیلا کے شمال میں بوکاؤ کے علاقے میں آتش بازی کے سامان کی متعدد دکانیں جل کر خاکستر ہو گئیں۔ مقامی میئر کے مطابق اس واقعے میں متعدد افراد ہلاک جب کہ کم از کم دس زخمی بھی ہوئے۔ مقامی اہلکاروں کا کہنا ہے کہ اس واقعے میں ہلاک ہونے والوں کی درست تعداد تاحال معلوم نہیں ہے۔ بتایا گیا ہے کہ بدھ کی دوپہر ان دوکانوں میں لگنے والی آگ کے بعد متعدد دھماکے بھی سنے گئے تھے، جن سے قریب موجود کئی گاڑیوں کو نقصان پہنچا۔