Mon, 11 Mar 2024 17:42:30
الیکٹورل بانڈ معاملے میں سپریم کورٹ نے ایس بی آئی کو آج پھٹکار لگائی ہے اور ہدایت دی ہے کہ 12 مارچ تک الیکٹورل بانڈ کی مکمل تفصیل پیش کی جائے۔ عدالت عظمیٰ کی اس ہدایت کے بعد اپوزیشن پارٹیوں نے مرکز کی مودی حکومت کو نشانہ بنانا شروع کر دیا ہے۔ کانگریس کے سابق صدر راہل گاندھی نے ایک سوشل میڈیا پوسٹ میں لکھا ہے کہ ’’نریندر مودی کے ’چندے کے دھندے‘ کی قلعی کھلنے والی ہے!‘‘
View more
Mon, 11 Mar 2024 17:36:14
انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک لاپتہ بتائے گئے ہیں جن کے زندہ ملنے کی امیدیں کم ہیں۔ مسلسل بارش اور خراب موسم کے باعث امدادی کاموں میں مشکلات کا سامنا ہے۔
View more
Mon, 11 Mar 2024 17:27:13
الیکٹورل بانڈ سے متعلق تفصیلات جمع کرنے کے لیے ایس بی آئی نے سپریم کورٹ سے چند ماہ کا وقت طلب کیا تھا، لیکن آج پیر کو اس معاملے کی سماعت کرتے ہوئے سپریم کورٹ نے ایس بی آئی کو زوردار پھٹکار لگاتے ہوئے حکم صادر کیا ہے کہ مکمل تفصیلات 24 گھنٹے کے اندر یعنی 12 مارچ تک داخل کر دی جائے۔عدالت کے اس فیصلے کے بعد کانگریس نے عدالت عظمیٰ کے فیصلے پر اطمینان کا اظہار کرتے ہوئے مرکز کی مودی حکومت کو تنقی
View more
Mon, 11 Mar 2024 17:23:29
2008 کے مالیگاؤں دھماکہ معاملہ میں ممبئی کی ایک خصوصی این آئی اے عدالت نے بی جے پی رکن پارلیمنٹ سادھوی پرگیہ سنگھ ٹھاکر کے خلاف 10 روپے کا ضمانتی وارنٹ جاری کر دیا ہے۔ پرگیہ ٹھاکر مالیگاؤں دھماکہ معاملہ میں ملزم ہیں اور عدالت کے ذریعہ جسمانی طور پر پیشی کے حکم کے باوجود سماعت کے دوران حاضر نہیں ہوئی تھیں۔ ان کے وکیل نے طبی بنیاد پر جسمانی حاضری سے چھوٹ کی درخواست داخل کی تھی، لیکن عدالت نے اس ع
View more
Mon, 11 Mar 2024 17:21:41
سپریم کورٹ میں ایک مفاد عامہ عرضی (پی آئی ایل‘ داخل کی گئی ہے جس میں مطالبہ کیا گیا ہے کہ مرکزی حکومت کو موجودہ قانون کے مطابق الیکشن کمیشن میں خالی عہدوں پر تقرریاں کرنے سے روکا جائے۔ موجودہ قانون کے تحت چیف الیکشن کمشنر (سی ای سی) اور دیگر الیکشن کمشنرز (ای سی) کی تقرری کے عمل میں چیف جسٹس آف انڈیا شامل نہیں ہیں۔
View more
Mon, 11 Mar 2024 17:20:02
دہلی میں واقع ملک کی مشہور جواہر لال نہرو یونیورسٹی میں طلبا یونین کے انتخاب کا اعلان کیا گیا ہے۔ 4 سال بعد ہونے والے اس انتخاب میں 22 مارچ کو ووٹ ڈالے جائیں گے جبکہ 24 مارچ کو نتائج کا اعلان کیا جائے گا۔ جے این یو کی انتخابی کمیٹی کے ذریعے جاری کردہ پروگرام کے مطابق پیر کو ووٹر لسٹ شائع کی جائے گی اور منگل تک اس میں درستگی کی جا سکے گی۔
View more
Mon, 11 Mar 2024 17:17:01
لوک سبھا انتخابات سے قبل بی جے پی کی حکومت والی ریاست ہریانہ میں بی جے پی کو جھٹکے پر جھٹکا لگ رہا ہے۔ ایک روز قبل ہسار سے بی جے پی کے ممبر پارلیمنٹ بریجندر سنگھ نے بی جے پی کو خیرباد کہہ کر کانگریس پارٹی میں شمولیت اختیار کر لی تھی اور آج ریاستی حکومت میں شامل اس کی اہم اتحادی پارٹی جے جے پی (جن نائک جنتا پارٹی) نے بی جے پی سے علیحدہ ہو کر تنہا الیکشن لڑنے کا اعلان کر دیا ہے۔
View more
Mon, 11 Mar 2024 17:12:54
گزشتہ کچھ دنوں میں کئی اپوزیشن لیڈران نے بی جے پی کا دامن تھاما ہے۔ اس درمیان کسان لیڈر راکیش ٹکیت نے ایسے ’دَل بدلو‘ لیڈروں کو تنقید کا نشانہ بنایا ہے۔ انھوں نے اپنے ایک بیان میں کہا ہے کہ ’’راجہ نے جس پر نگاہ ڈال دی کہ اسے لے آؤ، تو اسے جانا پڑے گا۔ صبح اگر کوئی جائے گا تو اسے کوئی وقار والا عہدہ ملے گا اور اگر کوئی وقار کے ساتھ جائے گا تو اس کی بہت عزت ہوگی۔‘‘ بھارتیہ کسان یونین کے لیڈر نے مز
View more
Mon, 11 Mar 2024 17:09:50
ہندوستان نے اتوار کو چار رکنی یورپی فری ٹریڈ ایسوسی ایشن (ای ایف ٹی اے) کے ساتھ ایک آزاد تجارتی معاہدے پر دستخط کئے. تجارت کے مرکزی وزیر پیوش گوئل نے اسے ملک کا پہلا جدید آزاد تجارتی معاہدہ (ایف ٹی اے) قرار دیا۔ انہوں نے کہا کہ یہ قابل جواز، منصفانہ اور متوازن ہے تجارتی اور اقتصادی شراکت داری کے معاہدے (ٹی ای پی اے) کے مطابق، ای ایف ٹی اےکے چار رکن ممالک، جن میں سوئٹزرلینڈ، ناروے، لکٹینسٹین اور
View more
Your experience on this site will be improved by allowing cookies
Cookie Policy
