Fri, 04 Nov 2022 22:33:47
قومی انسانی حقوق کمیشن (این ایچ آر سی) نے دہلی اور قومی راجدھانی خطہ میں خطرناک حد تک پہنچنے والی فضائی آلودگی کے معاملے پر تفصیلی مشاورت کے لیے پنجاب، ہریانہ، اتر پردیش اور دہلی کو نوٹس جاری کرتے ہوئے ان کے چیف سکریٹریز کو 10 نومبر کو ذاتی طور پر یا ورچوئل ذرائع سے شرکت کرنے کی ہدایت کی ہے۔
View more
Fri, 04 Nov 2022 22:30:11
آسٹریلیا نے گلین میکسویل (54 ناٹ آؤٹ) کی شاندار نصف سنچری کی بدولت جمعہ کو سپر-12 ٹی 20 ورلڈ کپ 2022 کے ایک سنسنی خیز مقابلے میں افغانستان کو چار رنز سے شکست دے کر سیمی فائنل میں پہنچنے کی اپنی امیدیں زندہ رکھیں۔ گروپ ون کے میچ میں آسٹریلیا نے افغانستان کو 169 رنز کا ہدف دیا جس کے جواب میں افغانستان صرف 164 رنز بنا سکا۔
View more
Fri, 04 Nov 2022 22:27:01
دہلی ہائی کورٹ نے جمعہ کے روز ایک خاتون پر 25 ہزار روپے جرمانہ عائد کیا، جس نے ٹوئٹر کے نئے سربراہ ایلون مسک کو ان کے ٹوئٹر اکاؤنٹ کو معطل کرنے کی عرضی میں فریق کے طور پر پیش کرنے کا مطالبہ کیا تھا۔
View more
Fri, 04 Nov 2022 22:18:39
انفورسمنٹ ڈائریکٹوریٹ (ای ڈی) نے جمعے کے روز علاحدگی پسند لیڈر شبیر احمد شاہ کے یہاں صنعت نگر علاقے میں واقع رہائشی مکان کو ملی ٹنسی سے متعلق سرگرمیوں کو ہوا دینے کے معاملے سے منسلک منی لانڈرنگ کیس کے سلسلے میں عارضی طور پرمنسلک کر دیا۔
View more
Fri, 04 Nov 2022 22:15:37
دہلی کے وزیر اعلی اروند کیجریوال نے اعلان کیا ہے کہ راجدھانی دہلی کے پرائمری اسکول کل 5 نومبر سے بند رہیں گے۔ اس کے علاوہ پانچویں جماعت سے اوپر کی کلاسوں کے لیے تمام بیرونی سرگرمیوں پر بھی پابندی ہوگی۔ وزیر اعلیٰ نے کہا ہے کہ دہلی میں گاڑیوں کے لیے طاق و جفت فارمولہ کے نفاذ پر بھی غور کیا جا رہا ہے۔ کیوال نے یہ اعلان پنجاب کے وزیر اعلی بھگونت مان کے ساتھ مشترکہ پریس کانفرنس میں کیا۔
View more
Fri, 04 Nov 2022 22:12:47
سپریم کورٹ نے اتراکھنڈ کی خواتین کو سرکاری ملازمت میں ملنے والے 30 فیصد ریزرویشن پر ریاستی ہائی کورٹ کی جانب سے عائد کی گئی پابندی کو ہٹا دیا۔ ساتھ ہی اس معاملے میں مدعا علیہان سے جواب طلب کیا گیا ہے۔ ریاستی حکومت کی جانب سے اتراکھنڈ ہائی کورٹ کے حکم کو خصوصی اپیل کے ذریعے چیلنج کیا گیا تھا۔ اس معاملے کی سماعت آج جسٹس ایس عبدالنذیر اور جسٹس وی راما سبرامنیم کی ڈبل بنچ میں ہوئی۔
View more
Fri, 04 Nov 2022 22:08:07
مدھیہ پردیش میں 'بھارت جوڑو یاترا' کے داخلے سے دو ہفتے قبل، کمل ناتھ کی قیادت میں کانگریس کی ریاستی اکائی نے اپنی تیاریوں کا جائزہ لیا۔ پارٹی کے سینئر لیڈر اور مدھیہ پردیش کانگریس کمیٹی کے عہدیداروں نے جمعرات کی رات بھوپال کے شیاملا ہلز میں واقع کمل ناتھ کی رہائش گاہ پر جمع ہوئے۔ خبروں کے مطابق بھارت جوڑو یاترا کے یہاں پہنچنے تک ملاقاتیں جاری رہیں گی۔
View more
Fri, 04 Nov 2022 22:03:00
سپریم کورٹ نے 10 نومبر کو دہلی میں فضائی آلودگی سے متعلق فوری کارروائی کی درخواست پر غور کرنے پر اتفاق کیا ہے۔ ایک وکیل نے چیف جسٹس یو یو للت کی سربراہی والی بنچ کے سامنے معاملہ رکھا اور فوری سماعت کا مطالبہ کیا۔ وکیل نے کہا کہ پرالی جلانے کے واقعات میں اضافے کی وجہ سے دارالحکومت میں فضائی آلودگی شدید زمرے میں ہے۔
View more
Your experience on this site will be improved by allowing cookies
Cookie Policy
