جوہانسبرگ،29؍اگست(ایس او نیوز ؍آئی این ایس انڈیا)افریقی ملک گبون کے مرکزی اپوزیشن رہنما ژاں پِنگ نے دعویٰ کر دیا ہے کہ ویک اینڈ پر منعقد ہوئے صدارتی الیکشن میں انہوں نے کامیابی حاصل کر لی ہے۔ تاہم صدر علی بانگو کے حامیوں کا کہنا ہے کہ سرکاری طور پر باضابطہ اعلان سے قبل پِنگ کا یہ دعویٰ غیر قانونی اور خطرناک ہے۔ گبونصدارتی الیکشن کے حتمی نتائج کا اعلان منگل تک متوقع ہے۔ یہاں سن دو ہزار نو کے متنازعہ انتخابات کے بعد بھی تشدد کا سلسلہ شروع ہو گیا تھا۔