منگلورو 15؍جنوری (ایس او نیوز) کوُلور سے منگلور آنے والی پرائیویٹ سٹی بس بے قابو ہوکر پل کے قریب واقع گھاٹی کی طرف لڑھک گئی، مگر خوش قسمتی سے تمام مسافربال بال بچ گئے کیونکہ بس ایک طرف جھکنے کے بعد اچانک رک گئی تھی۔
ذرائع کے مطابق اس راستے پر روزانہ کئی ٹرپس لگانے والی یہ بس جب پرانے کُولور پل کے پاس پہنچی تو اچانک بے قابو ہوکر سڑک سے دور ہوتی گئی اور گھاٹی کی طرف بڑھنے لگی، جس کی وجہ سے ایک المناک حادثہ ہونا تقریباً طے ہوگیا تھا۔ مگر مسافروں کی قسمت نے ساتھ دیا اور بس ایک طرف جھکنے کے بعداس کی رفتار تھم گئی، اور مسافروں کے ساتھ ڈرائیور اور کنڈکٹر بس سے بحفاظت باہر نکلنے میں کامیاب ہوگئے۔
