انقرہ2ستمبر(ایس او نیوز ؍آئی این ایس انڈیا)ترکی کے صدر رجب طیب ایردوآن نے دعویٰ کیا ہے کہ شامی کرد ملیشیا ابھی دریائے فرات کے مشرق میں واپس نہیں گئی ہے۔ ایردوآن نے ان دعووں کو مسترد کر دیا کہ کرد جنگجو ترک فوج کی کارروائی کی وجہ سے پسپا ہو گئے ہیں۔ ترک صدر کے مطابق وہ اِس سلسلے میں امریکی اطلاعات کو بھی تسلیم نہیں کرتے۔ گزشتہ روز ترکی نے کہا تھا کہ شمالی شام میں اُس کی فوج کی کارروائی سے درجنوں دیہات کو دہشت گردوں سے صاف کر دیا گیا تھا۔ یہ امر اہم ہے کہ شمالی شام کے کرد فائٹرز کو امریکی حمایت حاصل ہے۔