چنڈی گڑھ،14جولائی(ایس اونیوز/آئی این ایس انڈیا)ہندوستان اور جنوبی کوریا کے درمیان کل سے یہاں شروع ہونے والی ڈیوس کپ ایشیا اوسنیا گروپ ایک میچ سے پہلے مسلسل بارش سے پیدا ہونے والے حالات کے بارے میں تجربہ کار ہندوستانی ٹینس اسٹار لینڈر پیس نے کہا ہے کہ جو ٹیم تیزی سے اپنی آہنگی بٹھائے گی، اسے فائدہ ملے گا۔پیس نے آج یہاں ڈرا تقریب کے بعد کہا کہ مجھے لگتا ہے کہ گھاس پر ٹینس کافی تکنیکی ہے اس لئے ان حالات میں تیزی سے ہم آہنگی بٹھانا ہوگا اور یہی کافی بڑا فائدہ ہوگا۔چنڈی گڑھ میں موسم خراب ہے اور مقامی محکمہ موسمیات کے ڈائریکٹر سریندر پال کے مطابق اگلے دو تین دن شہر میں اور بارش ہونے کا امکان ہے۔رام کمار رامناتھن کا سامنا کل یہاں ہونے والے پہلے ایک میچ میں سیوگ چان ہانگ گا جو ان سے 200سے زیادہ مقامات نیچے ہے۔پیس نے کہا کہ ہم توقع کر رہے تھے کہ یہاں ایسا ہی ہوگا، جب رام پہلے میچ میں کھیلے گا،ساتھ ہی ہم یہ بھی سوچ رہے تھے کہ کیا لم ڈبلز میں کھیلے گا یا نہیں،یہ دیکھنا دلچسپ ہوگا کہ موسم کیسا رہتا ہے اور آخر میں میچ کس طرح کھیلے جاتے ہیں لیکن بطور ٹیم ہم پیدا ہونے والی کسی بھی قسم کی صورت حال کے لئے تیار ہیں۔