نئی دہلی  ، 25/ جنوری (ایس او نیوز/ایجنسی)شمال مغربی ہواؤں کی وجہ سے سردی میں کچھ کمی آئی ہے اور درجہ حرارت میں مسلسل اضافہ ہو رہا ہے۔ تاہم، پاکستان میں ایک ویسٹرن ڈسٹربنس فعال ہو رہا ہے جو 29 سے 30 جنوری کے دوران شمالی پہاڑی علاقوں میں پہنچ سکتا ہے۔ اس کے اثرات سے جنوری کے اختتام پر شمالی بھارت کی ریاستوں میں موسم میں تبدیلی آ سکتی ہے، جو فروری کے پہلے ہفتے تک برقرار رہنے کا امکان ہے۔ یوم جمہوریہ کے دن بھی میدانی علاقوں میں موسم خشک رہنے کی پیشگوئی کی گئی ہے۔

محکمہ موسمیات کے مطابق دہلی اور یوپی سمیت کئی ریاستوں میں اگلے کچھ دنوں میں بارش کے آثار ہیں۔ اس دوران مغربی یوپی میں کہیں کہیں دھند اور چھچھلا کہرا اور مشرقی یوپی میں کہیں کہیں چھچھلا سے درمیانی کہرا رہنے کا امکان ہے۔

آئی ایم ڈی نے فروری کی شروعات میں شمال کی ریاستوں میں بارش کا امکان ظاہر کیا ہے۔ دہلی سمیت شمالی ہند کے میدانی علاقوں میں اچانک درجہ حرارت کے چڑھنے اور گرماہٹ بڑھنے کے پیچھے دو اہم وجوہات بتائے جا رہے ہیں۔ ویسٹرن ڈسٹربینس آگے بڑھ چکا ہے۔ ساتھ ہی حال میں مدھیہ پردیش کے موسم کو متاثر کرنے والا کوئی موسمی نظام بھی فعال نہیں ہے۔ ہوا کا رخ بھی شمالی ہو گیا ہے۔ اس وجہ سے ایک بار پھر کپکپی برھنے لگی ہے۔

موسم سائنس دانوں کے مطابق شمالی ہند کے پہاڑی علاقوں میں ہال ہی میں زبردست برفباری ہوئی ہے۔ وہاں سے آ رہی سرد ہواؤں کی وجہ سے درجہ حرارت میں گراوٹ ہونے لگی ہے۔ ہفتہ کو کم سے کم درجہ حرارت میں 3 ڈگری سیلسیس کی گراوٹ ہو سکتی ہے۔

کمزور ویسٹرن ڈسٹربینس کے آنے اور آگے بڑھ جانے کی وجہ سے ہوا کی رفتار اور سمت بدل گئی ہے۔ شمالی ہوائیں تو تیز چلنے لگی ہیں لیکن پہاڑوں پر برفباری بہت کم ہونے سے ہوا میں ٹھنڈ نہ کے برابر رہی۔