نئی دہلی   ، 8/مارچ (ایس او نیوز /ایجنسی)لوک سبھا میں اپوزیشن لیڈر اور کانگریس کے سینئر رہنما راہل گاندھی گجرات کے دو روزہ دورے پر پہنچے، جہاں انہوں نے پارٹی رہنماؤں، کارکنوں اور مقامی امیدواروں سے ملاقاتیں کیں۔ ان نشستوں میں تنظیمی صورتحال کا جائزہ لیا گیا اور آئندہ انتخابات کے حوالے سے حکمت عملی پر تبادلہ خیال کیا گیا۔ راہل گاندھی نے کارکنوں کو متحرک رہنے کی ہدایت دیتے ہوئے پارٹی کو مضبوط کرنے پر زور دیا۔

راہل گاندھی اس وقت گجرات کانگریس کے سینئر رہنماؤں کے ساتھ ملاقات کر رہے ہیں، جس میں ریاستی سطح پر پارٹی کی صورتحال اور انتخابی چیلنجز پر تبادلہ خیال کیا جا رہا ہے۔ اس میٹنگ میں کانگریس کے گجرات انچارج مکول واشنک، ریاستی صدر شکتی سنگھ گوہل اور دیگر سینئر قائدین شرکت کر رہے ہیں۔

اس کے بعد راہل گاندھی نے مقامی نکایتی انتخابات میں حصہ لینے والے کارکنوں اور سابقہ امیدواروں کے ساتھ ملاقات کریں گے، جہاں انہیں پارٹی کی پوزیشن، ووٹرز کے رجحان اور انتخابی مہم کی حکمت عملی کے بارے میں تفصیلات فراہم کی جائیں گی۔

بعد ازاں، وہ ریاستی سطح پر کانگریس کی انتخابی تیاریوں کا جائزہ لیں گے اور مختلف رہنماؤں سے تفصیلی مشاورت کریں گے۔ راہل گاندھی 7 مارچ کو احمد آباد پہنچے اور سیدھے ریاستی کانگریس دفتر پہنچ کر اہم اجلاسوں میں شرکت کی۔ انہوں نے ریاستی تنظیم، ضلع کانگریس صدور اور بلاک کانگریس صدر کے ساتھ تفصیلی میٹنگ کی۔