حیدرآباد، 22 جولائی (ایس او نیوز / ایجنسی): اے آئی ایم آئی ایم کے سربراہ اور رکن پارلیمان اسدالدین اویسی نے منگل کو وزیر اعظم نریندر مودی سے اپیل کی ہے کہ وہ یہ یقینی بنائیں کہ بھارت اُن ممالک میں شامل نہ ہو جو اسرائیل کے ’جرائم‘ میں شریک ہیں۔

اویسی نے سوشل میڈیا پلیٹ فارم ’ایکس‘ پر لکھا، "اسرائیل غزہ میں فلسطینیوں کے خلاف نسل کشی کر رہا ہے۔ ہولوکاسٹ کے وقت لوگ لاعلمی کا بہانہ کرتے تھے، لیکن یہ نسل کشی سب کے سامنے ہو رہی ہے۔ نریندر مودی کو یہ یقینی بنانا چاہیے کہ بھارت اسرائیل کے جرائم میں شریک ممالک کی فہرست میں شامل نہ ہو۔ بھارت ہمیشہ سے فلسطین کے حق میں رہا ہے اور اسرائیلی نسل پرستی کی مخالفت کرتا آیا ہے۔"