دبئی، 25/ فروری ایس او نیوز)دبئی میں بھٹکل مسلم جماعت کے پچاس سال مکمل ہونے پر جماعت کی جانب سے جشن پناس پروگرام منعقد کیا جارہا ہے۔ اس تعلق سے پریس ریلیز جاری کرتے ہوئے جماعت کے جنرل سکریٹری جیلانی متشم نے بتایا کہ یہ پروگرام مؤرخہ 4 مئی 2025 ء بروز اتوار دبئی میں گرانڈ حیات ہوٹل(Grand Hyatt Dubai)میں منعقد ہوگا۔
پروگرام میں جماعت کی پچاس سالہ خدمات پر مبنی ایک ڈوکومنٹری پیش کی جائیگی۔ اورجماعت کو کامیابی کی بلندیوں تک پہنچانے میں سرگرم مرحوم جناب ایس ایم سید خلیل الرحمن کی سوانح حیات پر متشمل کتاب کا بھی اجراء ہوگا۔
پریس ریلیز میں بتایا گیا ہے کہ جشن پناس تقریب میں ممبروں کے مابین حفظ قران مقابلہ سمیت کافی دیگر پروگرامس رکھے گئے ہیں ساتھ ساتھ ممبران کو مربوط رکھنے اور جماعت سے قریب کرنے نیز ان کی صلاحیتوں کو اجاگر کرنے کے لئے Bhatkal Got Talents کے تحت ممبروں سے دخواست کی گئی ہے کہ ڈرامہ اسکرپٹ (نوائطی زبان میں) ممی کری، اسٹیج ڈرامہ وغیرہ کے لئے اپنا نام پیش کرسکتے ہیں۔ پروگرام سے قبل اسپورٹس فیسٹا کے تحت مختلف کھیلوں کا پروگرام منعقد ہوگا۔ کوئز پروگرام کے ساتھ ساتھ اس پروگرام میں مزاحیہ فنکارکو بھی مدعو کرنے کا منصوبہ ہے۔ جماعت کی طرف سے تمام ممبران سے درخواست کی گئی کہ پروگرام کو کامیاب بنانےہرممکن تعاون فراہم کرے۔
پریس ریلیزجاری کرنے کے ساتھ ہی جماعت کی جانب سے ایک وڈیوکے ذریعے بھی پروگرام کی تفصیلات پیش کی گئی ہے۔ جاری کردہ وڈیو میں بی ایم جے ڈی صدر شہریار خطیب‘ جنرل سکریٹری جیلانی محتشم‘ سرپرست محمد ابر اہیم قاضیا‘ کنوینر جشن پناس کمیٹی یاسر قاسمجی‘ سکریٹری اول عبدالواسع خلیفہ‘ سکریٹری دوم امداد پیشمام‘ خازن محمد آفاق نائطے‘ محاسب زین العابدین عصام سدی آحمدا‘ نائب کنوینرس جشن پناس سیف اللہ بائیدہ شریف‘ دامداکلاگر شمس الدین ضیاء اور آواب کولا موجود ہیں۔