نئی دہلی :31/جولائی (ایس او نیوز/آئی این ایس انڈیا)کانگریس کے لیڈر کے سی وینو گوپال نے ٹرئی صدر کے آدھار سے منسلک مسئلہ آج لوک سبھا میں اٹھایا اور کہا کہ حکومت بینکاری جعل سازی روکنے کے لئے فوری طور پر اقدامات کرے۔وقفہ صفرکے دوران اس موضوع کو اٹھاتے ہوئے وینو گوپال نے کہا کہ ٹرائی صدر نے آدھار سے منسلک چیلنج دیا تھا اور خبر ہے کہ ہیکروں نے ان کی بینکاری تفصیلات ہیک کر لیا ہے۔یہ رازداری میں نقب لگنے کا معاملہ ہے۔انہوں نے کہا کہ ایسا لگ رہا ہے کہ مالیاتی نظام محفوظ نہیں ہے۔لوگوں کے مالی جعل سازی کے زد میں آنے کا خطرہ ہے۔کانگریس رکن نے کہا کہ حکومت لوگوں کو مالی جعل سازی سے محفوظ رکھنے کے لئے اقدامات کرے ۔ کانگریس کے ہی رگھو ورما نے اجمیر کے مشہور تیرتھ گاہ میں نالے-نالوں میں بیت الخلاء کا پانی جانے اور قریب کے علاقوں میں غیر قانونی تعمیر کا مسئلہ اٹھایا۔انہوں نے الزام لگایا کہ حکومتی سطح پر چلائے جانے والے ترقی کے منصوبے میں بدعنوانی ہو رہی ہے۔بی جے پی کے رمیش پوکھریال نے کہا کہ اتراکھنڈ میں جڑی بوٹیوں کی پیداوار میں اضافہ اور برآمد کو رفتار دینے کے لئے حکومت کو مالی مدد کرنا چاہئے۔۔کانگریس کے رونیت سنگھ نے کہا کہ اگلے سال گرنانک کی 550 ویں یوم پیدائش کی شاندار تقریب کے لئے مرکزی حکومت پنجاب حکومت کو2145 کروڑ روپے جاری کرے۔بی جے پی کی نیلم سونکر نے اعظم گڑھ-لال گنج- دوہری گاگھ گورکھپور ریلوے لائن شروع کرنے کا مطالبہ کیا اور کہا کہ پوروانچل ایکسپریس سے اس علاقے میں ترقی میں مزید رفتار ملے گی ۔