نئی دہلی، 27؍ دسمبر ( ایس او نیوز؍آئی این ایس انڈیا )دہلی قومی دارالحکومت علاقہ میں فضائی آلودگی سے نمٹنے کے لیے 12 نکاتی مسودے کامنصوبہ تیارکیاگیاہے جس میں فضلات جلانے پر روک کے لیے مستحکم کوشش کرنے، ریسرچ کرنے اور خلاف ورزی کے بارے میں رپورٹ کرنے کے لیے ہاٹ لائن اور اے پی کی طرح جیسے اقدامات بھی شامل ہیں۔وزیر اعظم نریندر مودی کے پرنسپل سکریٹری کی قیادت والی اعلیٰ سطحی ٹاسک فورس نے دہلی۔این سی آر میں فضائی آلودگی سے نمٹنے کے لیے مسودہ تیار کیا ہے اور یہ مؤثر اور عملی بنانے کے لیے 15 دن میں تجاویزدے گا۔ماحولیات کی وزارت کی ویب سائٹ پر کہاگیا ہے کہ کام کی منصوبہ بندی میں اہم اقدامات درج کیے گئے ہیں جس پر کام فورس کی نگرانی ہوگی. ہوا کے معیار سے متعلق مختلف محکموں کو ان کی ضروریات کی تشخیص کے مطابق مختلف اقدامات کئے جائیں گے۔اس میں کہا گیا ہے کہ ایجنڈے کی پوری تیاری کی ذمہ داری ماحولیات و جنگلات کی وزارت سیکرٹری کی ہوگی۔ مسودے میں پنجاب، ہریانہ اور اتر پردیش میں کھیت جلانے کے مسئلے سے نمٹنے کے لیے مستحکم کارروائی اور نگرانی کی تجویزکی گئی ہے.اس میں فصل کی فضلات کومناسب طور پر تلف کرنے کے لیے بھی منصوبہ بند عمل کے لیے کہا گیا ہے کہ سائنس اورٹیکنالوجی کے سیکشن اور دیگر کے ساتھ تعاون پر آزاد ڈیٹا دستیاب ہو۔