سرینگر، 3جنوری(ایس او نیوز/آئی این ایس انڈیا)جنوبی کشمیر کے پلوامہ ضلع میں عسکریت پسندوں کی گولی لگنے سے سی آر پی ایف کے ایک اہلکار آج زخمی ہو گئے۔حکام نے بتایا کہ اسسٹنٹ سب انسپکٹر بی این ٹھاکر یہاں سے قریب 32کلو میٹر دور مران چوک پر ڈیوٹی کر رہے تھے، اسی دوران نامعلوم عسکریت پسند نے نزدیک سے ان کو گولی مار دی۔انہوں نے کہا کہ زخمی افسر کو فوری طور پر اسپتال لے جایا گیا۔حملہ آور کی تلاش جاری ہے۔