بھٹکل،  27 / اگست (ایس او نیوز)  جنگلاتی زمین پر اتی کرم داروں کے حقوق کی جد و جہد کرنے والی کمیٹی کے صدر رویندرا نائک نے کہا کہ اتی کرم کی گئی زمین پر کھیتی باڑی کرنے والوں کی زمینوں کا جو نامناسب اور نامکمل جی پی ایس سروے کیا گیا ہے اس کے خلاف دائر کی گئی جنگل واسیوں کی اپیل پر دوبارہ غور کرنے کی گنجائش قانونی طور پر موجود ہے ۔
    
بھٹکل میں منعقدہ ایک پروگرام کے دوران رویندرا نائک نے ہوراٹا سمیتی کی طرف سے داخل کی گئی اپیل قبول کرنے کی نقل جنگلاتی زمین کے اتی کرم داروں کو فراہم کی ۔ 
    
انہوں نے کہا کہ جنگلاتی زمین کے حقوق کے سلسلے میں 85757 درخواستیں دی گئی تھی ۔ ان کی زمینوں کا جو جی پی ایس سروے ہوا ہے اس میں 72% سروے نامناسب اور نامکمل ہے ۔ اس نا انصافی کا شکار ہونے والوں کی جانب سے ہوراٹا سمیتی کی قیادت میں متعلقہ اتھاریٹی کے پاس اپیل داخل کی گئی ہے ۔ 
    
اس موقع پر ضلع کنوینر دیوراج گونڈا، ہری نائک اوم کار،عبدالقیوم کولا، شبیر دیو گوم مراٹھی، منگلا شیٹی وغیرہ موجود تھے ۔