رانچی،19 /دسمبر(آئی این ایس انڈیا)جھارکھنڈ کے وزیر اعلی ہیمنت سورین نے سابق وزیر اعلیٰ رگھوور داس کے خلاف بدعنوانی کے الزامات پر کہا ہے کہ ہم بد نیتی کے جذبے سے کارروائی نہیں کررہے ہیں۔

ہمارے پاس کرپشن کیس میں ان کے خلاف کافی ثبوت ہیں۔ یہ بات مشہور ہے کہ ان کے اقتدار کے تحت جھارکھنڈ میں بڑے پیمانے پر بدعنوانی ہوئی ہے۔ صرف یہی نہیں ہر علاقے میں بدعنوانی ہوئی ہے۔ انہوں نے کہاکہ بدنیتی کے جذبے سے کام کرنا بی جے پی کا کام ہے۔ ہمارا نہیں، جھارکھنڈ مکتی مورچہ کا نہیں۔

وزیر اعلی نے بتایاکہ ان کے خلاف لگائے جانے والے کرپشن کے الزامات سے دنیا بخوبی واقف ہے۔ تمام دستاویزات کو باقاعدگی سے آگے بڑھایا جارہا ہے۔ بہت سے بڑے عہدیداروں پر بھی کارروائی کا آغاز کیا گیا ہے۔ متعدد عہدیداروں کے خلاف ایف آئی آر بھی درج کی گئی ہے۔ اور جس طرح سے قوانین کی خلاف ورزی کی گئی ہے، اس پر عمل کارروائی تویقینی ہے۔ اس میں حق یا ناحق کا سوال ہی پیدا نہیں ہوتا، جو اصول ہے، وہ اصول ہے۔ کارروائی ہونا یقینی ہے۔

اسی کے ساتھ ہی ایک سال کی تکمیل اور الیکشن میں کئے گئے وعدے پر انہوں نے کہاکہ تنقید کرنے والوں کا کام تنقید کرنا ہے اور وہ کریں گے۔ تنقید کرنے والے کبھی بھی حکومت کے اچھے کاموں کا حساب نہیں لیں گے۔ جیسا کہ ہم سب جانتے ہیں کہ ہم اس وقت وباکے دور سے گزر رہے ہیں اور پوری طرح سے اس سے باہر نہیں ہورہے ہیں۔ پیچھے کون کھڑا تھا؟ آپ نے دیکھا ہوگا کہ ہم دوسری ریاستوں میں پھنسے ہوئے لوگوں کو واپس لائے اور ان کے روزگار کے حصول کے لئے بہترین انتظامات کیے۔ ہم ریاست میں سیاسی ایجنڈے کو نافذ کرنے نہیں آئے ہیں۔ ہم ریاست کو ایک نئی سمت دینے کے لئے کوشاں ہیں۔

وزیر اعلی نے کہاکہ ہم جھارکھنڈ کو ایسی حالت میں لانا چاہتے ہیں کہ جھارکھنڈ کو کبھی بھی کسی کا محتاج نہ ہونا پڑے۔ گھوٹالوں کے بارے میں بات کرتے ہوئے انہوں نے کہاکہ 'ہماری حکومت میں ایک روپیہ کا بھی گھوٹالہ نہیں ہوا۔ یہ سچ ہے کہ گزشتہ حکومتوں میں گھوٹالے ہوئے ہیں۔ خاص طور پر کوئلے کی کان کنی کے شعبے میں۔ جس کے تناظر میں اس پر تبادلہ خیال کیا جارہا ہے۔ یہ ایک نجی شعبہ ہے۔ یہاں کے سرکاری شعبے میں گھوٹالے ہوئے ہیں۔ یہاں ٹاٹا اور سیل کے علاوہ مرکزی حکومت نے کوئلے کی تمام کانوں کو بند کردیا ہے۔ ہم نے مرکزی حکومت کوتمام شعبے کو کھولنے کے ایک خط بھیجا ہے۔کیونکہ اس وقت بہت بحران ہے۔ یہ لوگ جو ہم پر الزام لگاتے ہیں وہ یہ نہیں دیکھتے ہیں کہ وہ تجاوزات کے لئے اپنے دائرہ اختیار سے آگے جارہے ہیں۔ ابھی ہم اس موضوع پر نگاہ رکھے ہوئے ہیں جس کے بارے میں بات کی جارہی ہے۔ میں درخواست کروں گا کہ اگر ریاستی حکومت کوئی غلط فیصلہ کرتی ہے تو آپ اپنی بات بالکل رکھ سکتے ہیں۔