واشنگٹن، 16/مارچ (ایس او نیوز /ایجنسی)امریکہ میں طوفان نے شدید تباہی مچا دی ہے، کچھ علاقوں میں اس کی شدت جان لیوا اور انتہائی خطرناک ثابت ہو رہی ہے۔ ہفتے کے روز مسیسیپی ویلی اور ڈیپ ساؤتھ میں تیز ہواؤں کے جھکڑوں نے تباہی مچا دی، جس کے نتیجے میں کم از کم 27 افراد ہلاک اور متعدد مکانات منہدم ہو گئے۔ سب سے زیادہ متاثرہ ریاستوں میں مسوری، ارکنساس، ٹیکساس اور اوکلاہوما شامل ہیں۔ حکام کے مطابق، ہفتے کی صبح تک سب سے زیادہ جانی نقصان مسوری میں ہوا، جہاں رات بھر طوفان کی تباہ کاریوں کے سبب کم از کم 12 افراد جان کی بازی ہار گئے۔ مسوری اسٹیٹ ہائی وے پیٹرول نے کئی افراد کے زخمی ہونے کی بھی تصدیق کی ہے۔

ارکنساس کے پبلک سیفٹی محکمہ نے ایک بیان میں کہا کہ ریاست بھر کی 16 کاؤنٹی میں مکانوں اور تجارتی اداروں کو نقصان پہنچنے کے ساتھ ساتھ بجلی کی لائنیں اور پیڑ گرنے کی اطلاع ملی ہے۔ افسروں نے کہا کہ ٹیکساس پین ہینڈل کی امریلو کاؤنٹی میں گرد بھری آندھی کے دوران کار حادثات میں تین لوگوں کی موت ہو گئی۔ اس سے قبل مسوری صوبہ ہائی وے گشتی دستہ نے بتایا تھا کہ مسوری کے بیکرس فیلڈ علاقے میں آئے طوفان کی وجہ سے کم سے کم دو لوگوں کی موت ہوگئی اور کئی دیگر زخمی ہوئے ہیں۔

میئر جوناس اینڈرسن نے سوشل میڈیا پر بتایا کہ ارکنساس کے کیو سٹی علاقے میں پانچ لوگ زخمی ہوئے ہیں جہاں اگلے حکم تک ایمرجنسی نافذ کر دیا گیا ہے۔ اوکلاہوما کے کچھ طبقوں کے لوگوں کو محفوظ مقام پر جانے کی صلاح دی گئی ہے کیونکہ ریاست بھر میں آگ لگنے کے 136 سے زیادہ معاملے سامنے آ چکے ہیں۔

واضح رہے کہ امریکہ میں چل رہے ایک بڑے طوفان نظام کی وجہ سے ہوائیں پیدا ہوئیں، جس نے خطرناک گرد بھری آندھی اور 100 سے زیادہ جنگل کی آگ کو بھڑکایا، کینیڈیائی سرحد سے ٹیکساس تک 80 میل فی گھنٹے کی رفتار تک ہوائیں چلنے کا امکان ہے جو ٹھنڈے شمالی علاقوں میں برفیلے موسم اور گرم، خشک علاقوں میں جنگل کی آگ کے خطرے کو بڑھا سکتی ہے۔ پورے ملک میں 10 کروڑ لوگوں پر اس کا اثر پڑ سکتا ہے۔ اوکلاہوما میں آگ کی وجہ تقریباً 300 گھر تباہ و برباد ہو گئے ہیں۔

گورنر کیون اسٹِٹ نے ہفتہ کو ایک پریس کانفرنس میں کہا کہ ان کی ریاست میں اب تک تقریباً 69 ہیکٹیئر علاقہ جل چکا ہے۔ اسٹیٹ ہائی وے پیٹرول نے کہا ہیں کہ ہوائیں اتنی تیز تھیں کہ انہوں نے کئی ٹریکٹر-ٹریلروں کو پلٹ دیا۔ +-ماہرین کا ہنا ہے کہ مارچ میں ایسے موسم کا عروج دیکھنا غیر معمولی نہیں ہے۔