بنگلورو  ، یکم جنوری(ایس او نیوز/ایجنسی ) کرناٹک پولیس نے ایک چیف ریلوے ٹکٹ انسپکٹر کو گرفتار کیا ہے، جس پر الزام ہے کہ اس نے کرناٹک ایڈمنسٹریٹو سروسز (KAS) امتحان میں امیدواروں کی مدد کے بدلے 50 لاکھ روپے کی رشوت لی تھی۔ ملزم کی شناخت 49 سالہ گووند راجو کے طور پر ہوئی ہے، جو ساؤتھ ویسٹرن ریلوے میں چیف ٹکٹ انسپکٹر کے طور پر کام کر رہا تھا۔ پولیس نے بی این ایس ایکٹ کے تحت مقدمہ درج کیا ہے، اور ڈی سی پی نے بتایا کہ ملزم نے اس بات کا اعتراف کیا کہ وہ پی ڈی او اور KAS جیسے امتحانات کے لیے امیدواروں سے پیسہ وصول کرتا تھا اور ان کو مختلف عہدوں پر کامیابی کا وعدہ کرتا تھا۔ ان امیدواروں سے رشوت کی رقم لینے کے لیے وہ اپنے ذریعے سے ان کے ساتھ رابطہ کرتا تھا۔