پانی پت،22دسمبر(آئی این ایس انڈیا) بدمعاشوں نے تحصیل کیمپ کے علاقہ میں بھاونا چوک پرمنی بینک کے آپریٹر سے گن پوائنٹ پر 9.70 لاکھ روپے لوٹ لئے۔بدمعاشوں نے منگل کے روز صبح نو بجے کے قریب یہ جرم انجام دیا۔محض دو منٹ کی لوٹ مار کے بعد بدمعاش ہری سنگھ چوک کی طرف فرار ہوگئے۔

آپریٹر نے شرپسندوں کا پیچھا کیا، لیکن وہ ہاتھ نہیں آیا۔ جس بیگ سے رکھی رقم بدمعاشوں نے لوٹی تھی وہ دل بیر نگر میں خالی ملا۔ یہ سارا واقعہ سی سی ٹی وی کیمرے میں قید ہوگیا ہے۔ سی آئی اے اور سٹی پولیس پولیس بدمعاشوں کی تلاش کر رہی ہے۔تحصیل کیمپ کے دشینت نگر کا رہائشی مہیش بجاج، بھاؤنا چوک پر ایک ہی دکان میں ایک مشترکہ سروس سینٹر، کسٹمر سروس سینٹر اور اے ٹی ایم رکھتا ہے۔

مہیش بجاج نے بتایا کہ منگل کی صبح انہوں نے صبح 8 بجکر 15 منٹ پر سینٹر کھولا۔ تین دیگر نوجوان یہاں کام کرتے ہیں، جو نو بجے کے بعد آتے ہیں۔ 9:02 پر تین نوجوان سینٹر میں داخل ہوئے۔ اس نوجوان نے ہیلمٹ پہن رکھا تھا اور دوسرے دو نے ماسک لگا رکھا تھا۔ بدمعاش، ہیلمیٹ پہنے، اندر داخل ہوتے ہی ایک پستول نکال لی،دیگر دو بدمعاشوں نے بھی اس پر گولی تان کر رقم کے بارے میں پوچھا۔

دو بدمعاش کاؤنٹر کے دراز پر پہنچے۔ 9.70 لاکھ روپے سے بھرا بیگ کاؤنٹر کے قریب رکھا گیا تھا، اسے اٹھاکراپنے بیگ میں ڈال دیا اور تقریبا 2 منٹ میں لاکھوں کی لوٹ مار کرکے فرار ہوگئے۔ متأثرہ شخص نے اس کی رپورٹ تھانہ میں دے دی ہے،پولیس معاملہ کی تفیش کرکے کاروائی کررہی ہے۔