Thu, 26 Dec 2024 16:38:01Office Staff
بی پی ایس سی کے 70ویں مشترکہ پرائمری امتحان کی منسوخی کا مطالبہ کرتے ہوئے کئی دنوں سے احتجاج کر رہے طلبا کو بدھ کے روز اس وقت مشکلات کا سامنا کرنا پڑا جب پولیس نے ان پر لاٹھی چارج کیا۔ طلبا بی پی ایس سی کے دفتر کا گھیراؤ کرنے کے لیے مارچ کر رہے تھے، لیکن پولیس نے انھیں روکنے کی کوشش کی۔ طلبا کے نہ رکنے پر حالات کشیدہ ہو گئے اور پولیس کو طاقت کا سہارا لینا پڑا۔
View more
Thu, 26 Dec 2024 12:02:54Office Staff
پورے ملک میں شدید سردی کی لہر پھیلنا شروع ہو گئی ہے۔ دہلی کے بیشتر علاقوں میں دھند اور کہرا چھایا ہوا ہے۔ محکمہ موسمیات کے مطابق، اگلے کچھ دنوں میں دہلی میں ہلکی بارش ہونے کا امکان ہے۔ محکمہ نے سردی کے بڑھتے اثرات کو مدنظر رکھتے ہوئے عوام کو احتیاط برتنے کی ہدایت دی ہے۔
View more
Thu, 26 Dec 2024 11:54:42Office Staff
اتر پردیش کی راجدھانی لکھنؤ میں دو مختلف انکاؤنٹر کی وارداتیں سامنے آئی ہیں۔ پولیس نے ان دونوں تصادموں میں 4 بدمعاشوں کو گرفتار کیا ہے۔ ان میں سے 2 بدمعاش سابق فوجی کے گھر پر فائرنگ اور پیٹرول بم پھینکنے کے ملزم ہیں، جبکہ باقی 2 بدمعاش لوٹ مار کے مقدمے میں ملوث تھے۔
View more
Thu, 26 Dec 2024 11:48:01Office Staff
دہلی میں مفت اسکیموں کے حوالے سے سیاسی تنازعہ بڑھتا جا رہا ہے۔ اس موقع پر یوتھ کانگریس نے عام آدمی پارٹی کے قومی کنوینر اروند کیجریوال اور دہلی کی وزیر اعلیٰ آتشی کے خلاف شکایت درج کرائی ہے۔ دہلی یوتھ کانگریس نے 25 دسمبر کو پارلیمنٹ اسٹریٹ پولیس اسٹیشن میں ایک میمورنڈم جمع کرایا۔
View more
Thu, 26 Dec 2024 11:30:17Office Staff
مرکزی حکومت نے 25 دسمبر کو ایک اہم فیصلہ کرتے ہوئے 7 سینئر سکریٹریز کے تبادلے کر دیے ہیں۔ ان تبادلوں میں رچنا شاہ کو ڈی او پی ٹی کا سکریٹری، ارونیش چاؤلا کو وزارتِ خزانہ کے تحت ریونیو کا سکریٹری اور ونیت جوشی کو وزارتِ تعلیم میں اعلیٰ تعلیم کے سکریٹری کے طور پر تعینات کیا گیا ہے۔ کابینہ کی تقرری کمیٹی (اے سی سی) نے ان سینئر آئی اے ایس افسران کے تبادلوں کی منظوری دے دی ہے۔
View more
Thu, 26 Dec 2024 11:04:51Office Staff
اب پیو ریسرچ سینٹر کی رپورٹ نے انکشاف کیا ہے کہ 2050 تک ہندوستان میں مسلمانوں کی سب سے زیادہ آبادی ہوگی۔ رپورٹ کے مطابق 2050 تک ہندوستان انڈونیشیا کو پیچھے چھوڑ کر سب سے زیادہ مسلم آبادی والا ملک بن جائے گا۔ جبکہ اُس وقت تک ہندو دنیا کی تیسری بڑی آبادی بن جائیں گے۔
View more
Thu, 26 Dec 2024 10:42:35Office Staff
گجرات کے دوارکا ضلع کی اوکھا بندرگاہ پر آج ایک افسوسناک حادثہ پیش آیا، جب جیٹی کی تعمیر کے دوران اچانک کرین گر گئی۔ اس حادثے میں کچلے جانے سے 3 مزدوروں کی جان چلی گئی۔ اطلاعات کے مطابق، 2 مزدوروں نے موقع پر ہی دم توڑ دیا، جبکہ تیسرے مزدور نے اسپتال میں علاج کے دوران زندگی کی بازی ہار دی۔ جاں بحق افراد کی لاشیں پوسٹ مارٹم کے لیے اسپتال منتقل کر دی گئی ہیں۔
View more
Thu, 26 Dec 2024 10:27:55Office Staff
اتراکھنڈ کے کماؤں ڈویژن کے بھیم تال علاقے میں ایک المناک حادثہ پیش آیا جس میں کم از کم 4 افراد اپنی جان سے ہاتھ دھو بیٹھے۔ الموڑا سے ہلدوانی جانے والی روڈویز بس بھیم تال-رانی باغ موٹر وے پر آمڈالی کے قریب بے قابو ہو کر تقریباً 1500 فٹ گہری کھائی میں جا گری، جس کے نتیجے میں جائے حادثہ پر افراتفری مچ گئی۔
View more
Wed, 25 Dec 2024 19:00:33Office Staff
اتر پردیش کے سنبھل میں مختلف تیرتھ استھلوں اور قدیمی کنوؤں کی تلاش جاری ہے، جس کی وجہ سے یہ علاقہ حالیہ دنوں میں خبروں میں رہا ہے۔ کچھ مقامات پر کھدائی کا کام جاری ہے، اور حالیہ اطلاعات کے مطابق سنبھل کے چندوسی علاقے میں گزشتہ 4-5 دنوں سے ایک مقام پر کھدائی کے دوران ایک صدیوں پرانی باؤڑی کا پتا چلا ہے۔ اس باؤڑی کا 25 دسمبر کو اے ایس آئی کی سروے ٹیم نے معائنہ کیا۔
View more
Your experience on this site will be improved by allowing cookies
Cookie Policy
