برسلز ، 4/ جون (ایس او نیوز /ایجنسی)بیلجیم میں۲۰۲۴ء میں یورپی یونین کے شہریوں کی روانگی کا ریکارڈ سطح پر اضافہ ہوا، جبکہ امیگریشن کی شرح مستحکم رہی۔ ملک میں آنے والوں میں سب سے بڑی رومانیہ کے شہری تھے، جن کی آمد کی بنیادی وجہ روزگار تھی۔کل ۱۷۱۷۰۶؍ غیر ملکی شہری۲۰۲۴ء میں بیلجیم آئے، جو۲۰۲۳ء کی سطح کے مطابق ہے تاہم وبا سے پہلے کی سطح سے زیادہ ہے، جس کی جزوی وجہ یوکرین کی جنگ سے منسلک پچھلی آمد کو بھی قرار دیا گیا۔ رپورٹ کے مطابق تقریباً نصف نئے آنے والے یورپی یونین کے رکن ممالک سے تھے، جبکہ۱۴؍ فیصد غیر یورپی یورپی ممالک سے،۱۷؍فیصد ایشیا سے،۱۶؍ فیصد افریقہ سے اور۵؍ فیصد امریکہ سے آئے۔

بعد ازاں رومانیہ کے شہری سب سے بڑا گروپ رہے جن کی تعداد۱۸؍ ہزار ۸۴۵؍ تھی، جن میں زیادہ تر مرد تھے اور ہجرت کی بنیادی وجہ روزگار بتائی گئی۔ ان کے بعد فرانس، یوکرین، نیدرلینڈز، اسپین اور مراکش کے شہری آئے۔ فرانسیسی شہری خواتین مہاجرین میں سب سے زیادہ تھے۔ ۲۰۲۴ء میں۹۱۸۶۶؍ غیر ملکی بیلجیم سے روانہ ہوئے، جو پچھلے سالوں کے مقابلے میں تقریباً مستحکم تعداد ہے۔ تاہم، یورپی یونین کے شہریوں کی روانگی ریکارڈ سطح پر پہنچی، جہاں۶۱۳۳۸؍ افراد نے ملک چھوڑا، جو اب تک کی سب سے زیادہ تعداد ہے۔ بعد ازاں روانہ ہونے والوں میں رومانیہ (۱۵۴۱۴؍) فرانس (۱۰۴۴۲؍) اور نیدرلینڈز ( ۶۲۵۶؍) سرفہرست تھے۔

واضح رہے کہ یورپی یونین کے شہریوں کی ہجرت ایک پیچیدہ رجحان ہے جو ہر ملک کی نقل و حرکت کی حکمت عملیوں پر منحصر ہے۔جبکہ  ان گروہوں کا اخراج یہاں آنے کی ابتدائی وجوہات سے بھی جڑا ہے۔ایجنسی نے مزید بتایا کہ یکم جنوری۲۰۲۵ء کو بیلجیم کی آبادی۱۱۸۲۵۵۵۱؍ تھی۔ اس میں۱۶۳۴۹۲۴؍ غیر ملکی شہری شامل ہیں جبکہ کل غیر ملکی اصل کے افراد۲۶۱۹۲۸۹؍ ہیں، جو آبادی کا۲۲؍ بنتے ہیں۔