نئی دہلی10؍جولائی(ایس او نیوز؍آئی این ایس انڈیا)مرکزی وزیرمختارعباس نقوی نے آج کہاکہ مرکزی حکومت میں پاردشرتا ہی غریبوں-ضرورت مندوں کی ترقی کا پیمانہ ہے اورہر منصوبہ بندی ڈیجیٹل کر دی گئی ہے جس سے بچولیوں کے لئے کوئی جگہ نہیں رہ گئی ہے۔اس سے ہر منصوبہ بندی کا فائدہ براہِ راست ضرورت مندوں تک پہنچ رہاہے۔مولانا آزاد ایجوکیشن فاؤنڈیشن کے معائنہ کے افسران کی ورکشاپ کا افتتاح کرتے ہوئے نقوی نے کہا کہ وہ خود بھی تمام منصوبوں کی نگرانی کر رہے ہیں تاکہ ان منصوبوں کا فائدہ ہر ضرورت مند تک بغیر کسی پریشانی کے اور مکمل پاردشرتا کے ساتھ پہنچ سکے۔اقلیتی امورکے وزیرنے کہاکہ اقلیتی وزارت مکمل طور پر آن لائن-ڈیجیٹل ہو گیا ہے۔ہر منصوبہ بندی ڈیجیٹل کر دی گئی ہے جس سے بچولیوں کے لئے کوئی جگہ نہیں رہ گئی ہے اور ہر منصوبہ بندی کا فائدہ براہ راست ضرورت مندوں تک پہنچ رہاہے۔طلباء و طالبات کے لئے مختلف قسم کی اسکالرشپ کاپیسہ بھی براہ راست ان کے بینک اکاؤنٹس میں جا رہاہے۔چاہے وہ ترقی منصوبے ہو یا حج کا معاملہ، اقلیتی وزارت لائن-ڈیجیٹل نظام کے ذریعے آگے بڑھ رہی ہے ۔انہوں نے کہاکہ نئی اسکیموں کا اعلان سے زیادہ اہم ہے کہ منصوبوں کا عوام کی سطح پر مکمل شفافیت اورایمانداری سے عمل ہو۔نقوی نے کہاکہ انہوں نے حکام کو بھی ہدایت کی ہے کہ وہ عام لوگوں سے مل کر منصوبوں کے نفاذ کی حقیقت کی معلومات لیں۔