سولیا، 17 / مئی (ایس او نیوز) پیراجے کے قریب ٹائر پھٹنے کی وجہ سے ایک کار بے قابو ہو کر الٹ گئی جس کے نتیجے میں کار میں سفر کر رہے تین افراد زخمی ہوگئے ۔
    
بتایا جاتا ہے کہ ٹائر پھٹنے کا یہ واقعہ اس وقت پیش آیا جب کچھ لوگ سولیا سے مڈیکیری کی طرف سفر کر رہے تھے ۔ مقامی لوگوں کا کہنا ہے کہ ٹائر پھٹنے کے ساتھ کار ڈرائیور کے قابو سے باہر ہوگئی اور الٹ کر سڑک کنارے گر گئی ۔ 
    
زخمیوں کو فوری طور پر سولیا کے ایک نجی اسپتال میں منتقل کیا گیا، جہاں ان کا علاج کیا جا رہا ہے ۔