بنگلورو، 22/مارچ (ایس او نیوز /ایجنسی) ریاست کرناٹک میں ایس ایس ایل سی امتحانات کے پہلے پرچے کا انعقاد کامیابی سے مکمل ہوا۔ ایس ایس ایل سی کے اس پہلے امتحان میں زبان اول کا پرچہ تھا۔ امتحان میں ریاست بھر کے امتحانی مراکز پر 8 لاکھ 22 ہزار 658 طلبہ نے شرکت کی، جبکہ 16 ہزار 313 طلبہ غیر حاضر رہے۔

ایگزامینیشن ڈپارٹمنٹ نے اس سلسلے میں معلومات فراہم کرتے ہوئے کہا کہ ریاست کرناٹک میں ایس ایس ایل سی کے مرحلہ ایک کے زبان اول کا امتحان کامیابی سے مکمل ہوا۔ اس امتحان کے لیے 8,38,971 طلبہ نے رجسٹریشن کروایا تھا، جن میں سے 8,22,658 نے امتحان دیا۔ بنگلورو نارتھ میں 47,073 طلبہ نے رجسٹریشن کرایا تھا، جن میں سے 46,320 نے امتحان میں شرکت کی، جبکہ 753 طلبہ غیر حاضر رہے۔ کلبرگی میں 44,503 طلبہ نے رجسٹریشن کیا تھا، جن میں سے 42,541 طلبہ حاضر رہے اور 1,962 طلبہ غیر حاضر رہے۔ اس طرح، امتحان کی مجموعی حاضری 98.06 فیصد رہی اور اس اعتبار سے امتحان کامیاب رہا۔ کل 8,38,971 طلبہ میں سے 8,22,658 نے امتحان میں حصہ لیا اور 16,313 طلبہ غیر حاضر رہے۔