جکارتہ  ، 28/جنوری (ایس او نیوز /ایجنسی)انڈونیشیا کے مغربی صوبہ سلاویسی کے ماموجو علاقے میں لینڈ سلائیڈنگ کے نتیجے میں کم از کم چار افراد جان سے ہاتھ دھو بیٹھے، جبکہ چار دیگر شدید زخمی ہو گئے ہیں۔

ماموجو کی علاقائی آفات ایجنسی کے سربراہ تسلیم سوکرنو نے بتایا کہ مٹی کا تودہ گرنے کا واقعہ مامونیو گاؤں میں رات 11:15 بجے پیش آیا۔ مقامی وقت کے مطابق اتوار کے روز آٹھ گھنٹے سے زائد عرصے تک اس علاقے میں شدید بارش ہوئی تھی۔

اتھارٹی کی ابتدائی رپورٹ کے مطابق مہلوکین میں سے ایک شیرخوار بچہ تھا۔ لینڈ سلائیڈنگ سے دو مکانات بھی ملبے تلے دب گئے۔

مقامی میڈیا نے ایجنسی کے اہلکار کے حوالے سے بتایا "تمام متاثرین کو اسٹریچرز اور ایمبولینسوں کا استعمال کرکے باہر نکالا گیا ہے، اور زخمیوں کو ماموجو ڈسٹرکٹ ا سپتال میں انتہائی نگہداشت فراہم کی جا رہی ہے۔”

اہلکار نے کہا کہ حکومت نے انخلاء کے لیے اہلکاروں کو تعینات کیا تھا، لیکن یہ کارروائی بہت مشکل تھی کیونکہ لینڈ سلائیڈ کے ملبے اور گرے ہوئے درختوں کی وجہ سے رسائی دشوار ہوگئی تھی۔