کاروار 31؍دسمبر (ایس او نیوز)جسمانی طور پر معذوروں کو سرٹفکیٹ دینے کی غرض سے تعلقہ اسپتالوں میں میڈیکل جانچ کے لئے کیمپ منعقد کیے جارہے ہیں۔جس میں ماہرڈاکٹروں کے ذریعے معذوری کا معائنہ کرنے کے بعد متعلقہ افراد کو اسناد دی جائیں گی۔

بھٹکل اور ہوناورمیں یہ کیمپ 3؍جنوری کو ہوگا۔کمٹہ اور انکولہ میں 4؍جنوری،سرسی اور سدا پور 5؍جنوری،یلاپور 6جنوری،جوئیڈا اور ہلیا ل میں 7؍جنوری کو اس طرح کے کیمپ منعقد کیے جائیں گے۔محکمہ صحت اور خاندانی بہبود کے ضلعی افسر ڈاکٹراشوک نے درخواست کی ہے کہ جن معذور افراد نے اب تک معذوری کا سرٹفکیٹ حاصل نہیں کیا ہے وہ کیمپ میں حاضر ہوکراس موقع سے فائدہ اٹھائیں ۔