لکھنؤ5مئی(ایس او نیوز/آئی این ایس انڈیا) اترپردیش کے فیض آباد ضلع سے گرفتارمبینہ آئی ایس آئی ایجنٹ آفتاب علی کو ایک مقامی عدالت نے آج نو دن کی پولیس ریمانڈ پربھیج دیا۔اتر پردیش پولیس کے انسداد دہشت گردی اسکواڈ کے ایک ترجمان نے بتایا کہ اے ٹی ایس نے آفتاب کی پولیس ریمانڈ کے لئے لکھنؤ کے متعلقہ عدالت میں پیش کیا۔ عدالت نے اسے نو دن کی پولیس ریمانڈپربھیجنے کی منظوری دے دی۔ترجمان نے بتایا کہ عدالت کی منظوری پر اے ٹی ایس کی طرف سے آفتاب کو پولیس ریمانڈ پر لے کر غور سے متعلق اہم حقائق کے بارے میں پوچھ گچھ کی جائے گی۔قابل ذکر ہے کہ آفتاب علی کے گرفتاری کیس سے منسلک ممبئی سے گرفتاردودیگرملزم الطاف بھائی قریشی اور جاوید کو بھی ٹرانزٹ ریمانڈ لینے کیلئے یوپی اے ٹی ایس کی طرف سے ممبئی کے متعلقہ عدالت میں قانونی عمل کے تحت کارروائی کی جا رہی ہے۔اے ٹی ایس کی طرف سے گرفتار شدہ تین مشتبہ ایجنٹوں کے تار پاکستانی خفیہ ایجنسی آئی ایس آئی اور نئی دہلی میں واقع پاکستانی ہائی کمیشن سے جڑے پائے گئے تھے۔ریاست کے ایڈیشنل پولیس ڈائریکٹر جنرل  آدتیہ مشرا نے کل یہاں نامہ نگاروں کوبتایاکہ آئی ایس آئی ایجنٹ کی نگرانی کچھ دن سے چل رہی تھی۔ فیض آباد میں آفتاب علی کو پکڑا گیا۔ اس سے پوچھ گچھ کی بنیاد پر ممبئی سے الطاف قریشی کو پکڑا گیاجو آفتاب کے اکاؤنٹ میں فنڈزبھیجتاتھا۔ انہوں نے بتایا کہ ایک اور مشتبہ آئی ایس آئی ایجنٹ جاوید کو بھی ممبئی میں گرفتارکیاگیا۔ جاویدحوالہ ڈیلرہے جس کے ذریعے پیسہ آیاتھا۔