سربیا،3اپریل(آئی این ایس انڈیا)سربیا میں الیگزانڈر ووچچ نے صدارتی انتخابات جیت لیے ہیں۔ مقامی ذرائع نے بتایا کہ ستر فیصد سے زائد ووٹوں کی گنتی مکمل ہونے تک ووچچ کو پچپن فیصد عوامی تائید حاصل ہو چکی ہے۔ سینتالیس سالہ ووچچ سربیا کی قدامت پسند جماعت ’ایس این ایس‘ کے سربراہ بھی ہیں۔ انہوں نے کہا کہ وہ روس کے ساتھ تاریخی روابط کو قائم رکھتے ہوئے سربیا کو یورپی یونین کا رکن بنانے کی کوشش کریں گے۔ حزب اختلاف نے ووچچ پر حکومت کے ناقد ذرائع ابلاغ کو خاموش کرانے اور عدلیہ پر حکومتی اثر و رسوخ استعمال کرنے کے الزامات عائد کیے ہیں۔