بھٹکل ،5/اپریل (ایس او نیوز)بھٹکل میں گذشتہ چند دنوں سے جاری شدید گرمی اور دو تین دنوں سے ہونے والی ہلکی بارش کے بعد، آج سنیچر کی شام آسمان  برسنے لگا،اوربادلوں کی گرج اور بجلی کی چمک کے ساتھ جیسے ہی بارش شروع ہوئی، گرمی کا زور بھی ٹوٹتا محسوس ہوا۔

جمعہ دیر شب کو بھی ہلکی بارش ہوئی تھی، جبکہ دو روز قبل بھی ہلکی پھلکی بارش ہوئی تھی،تاہم گرمی کی شدت میں کمی محسوس نہیں ہو رہی تھی، ماہ رمضان سے شروع ہونے والی گرمی آخری آیام میں شدت کے ساتھ جاری تھی، مگر آج ہوئی بارش سے  موسم میں تبدیلی کے آثار دیکھے جارہے ہیں اور گرمی کا زور کم ہوتا نظر آرہا ہے۔

بارش شروع ہوتے ہی پورے شہر میں بجلی منقطع ہو گئی،فی الحال رپورٹ لکھے جانے تک بارش کا سلسلہ جاری تھا۔