مدینہ منورہ،16مئی(ایس ا ونیوز/آئی این ایس انڈیا)مسجد نبوی میں طہارت اور عمومی امور کے ذمہ دار ادارے نے مسجد میں خواتین کے لیے مختص حصے میں ایک ہزار نئے قالین بچھائے ہیں۔ مسجد نبوی میں قالینوں کی دیکھ بحال اور ان کی تبدیلی کے امور کیڈائریکٹر بندر الحسینی نے ایک بیان میں بتایا کہ ماہ صیام کے دوران زائرین اور عبادت گذاروں کی آسانی کے پیش نظر مسجد نبوی میں خواتین کے لیے مختص مقام پر ایک ہزار نئے قالین بچھائے گئے ہیں۔انہوں نے بتایا کہ ماہ صیام کی آمد سے قبل ہی رواں ماہ کے آغاز پرمسجد نبوی میں قالینوں کی تبدیلی کا عمل شروع کردیا گیا تھا۔ خواتین کے لیے مختص مسجد میں قالین بچھا دیئے گئے ہیں تاہم روضہ رسول کے قالین اگلے چند ایام میں تبدیل کردیے جائیں گے۔