ہلیال 19/فروری (ایس او نیوز): ضلع اتر کنڑا کی ہلیال-ڈانڈیلی شاہراہ پر جمعرات کو کروزر گاڑی اور ماروتی ائیرٹیگا کے درمیان آمنے سامنے کی ٹکر میں ایک شخص ہلاک اور سات دیگر زخمی ہو گئے۔
کروزر گاڑی سودتی سے ہلیال کی طرف جا رہی تھی، جبکہ ماروتی ائیرٹیگا ڈانڈیلی سے ہلیال کی سمت آ رہی تھی۔
زخمیوں کو فوری طور پر ہلیال تعلقہ اسپتال منتقل کیا گیا۔ پولیس نے حادثے کی جگہ پہنچ کر تحقیقات شروع کر دی ہیں اور ہلیال پولیس اسٹیشن میں مقدمہ درج کر لیا گیا ہے۔