اُڈپی، 5/جنوری (ایس او نیوز): ضلع کے کاپو قومی شاہراہ نمبر 66 پر پانگال کے قریب بس اور اسکوٹر کی ٹکر میں اسکوٹر سوار کی موت واقع ہوگئی۔ حادثہ   پیر کی دوپہر  پیش آیا۔

مہلوک کی شناخت ملپے کے رہائشی 50 سالہ کرشناراج ایس کرکیر کے طور پر کی گئی ہے۔ بتایا گیا ہے کہ اُڈپی سے منگلورو کی طرف جا نے والی ایک نجی بس نے سامنے چل رہی اسکوٹر کو پیچھے سے ٹکر ماردی، جس کے باعث یہ حادثہ پیش آیا۔

ٹکر کے بعد سڑک پر گر کر شدید زخمی ہونے والے کرشناراج کو اُڈپی کے ایک نجی اسپتال لے جایا گیا۔ تاہم زخم گہرے ہونے کی وجہ سے  اُس نے  راستے میں ہی دم توڑ دیا۔

اطلاع ملتے ہی کاپو پولیس موقع پر پہنچی۔ مزید جانچ جاری ہے۔