کاروار، 23 جنوری (ایس او نیوز) — اُترکنڑا ضلعی انتظامیہ کی جانب سے قومی یومِ رائے دہندگان کی تقریب 25 جنوری کو صبح 10 بجے ڈپٹی کمشنر دفتر کے کانفرنس ہال میں منعقد ہوگی۔ اس کا افتتاح سیکنڈ ایڈیشنل ڈسٹرکٹ اینڈ سیشن جج مایَنّا بی ایل کریں گے جبکہ ڈپٹی کمشنر محترمہ کے لکشمی پریا صدارت کریں گی۔ اسی طرح 10 فروری کو ضلعی سطح کی کایک شرن جینتی تقریب بھی منعقد کی جائے گی۔

بتایا گیا ہے کہ 25 جنوری کی تقریب میں ضلع پنچایت کے چیف ایگزیکٹو آفیسر ڈاکٹر دلیش ششی، پولیس سپرنٹنڈنٹ دیپن ایم این، ایڈیشنل ڈپٹی کمشنر ساجد مُلّا، سب ڈویژنل آفیسر پی شراون کمار سمیت دیگر افسران شرکت کریں گے۔

اس سلسلے میں ڈپٹی کمشنر دفتر کے کانفرنس ہال میں منعقدہ میٹنگ کے دوران قومی یومِ رائے دہندگان کے موقع پر ووٹروں کو حلف دلایا گیا، جبکہ 10 فروری کو منعقد ہونے والی ضلعی سطح کی کایک شرن جینتی تقریب کے خاکے تیار کیے گئے اور انتظامات پر بھی غور کیا گیا۔

اس موقع پر ڈپٹی کمشنر محترمہ کے لکشمی پریا، ایڈیشنل ڈپٹی کمشنر ساجد مُلّا، سب ڈویژنل آفیسر پی شراون کمار اور دیگر موجود تھے۔