بھٹکل، 26 نومبر (ایس او نیوز): بھٹکل کے مختلف علاقوں میں متعدد کامیاب چائے اسٹالز چلانے کے بعد اب بھٹکل کے کامیاب  تاجر جاوید حسین ارمار نے اپنا کاروباری دائرہ ریاستی دارالحکومت بنگلورو تک پھیلا دیا ہے، جہاں شہر کے قلب میں ان کا نیا ٹی اسٹال "نمّا ٹی پوٹ" افتتاح کے فوراً بعد ہی عوامی توجہ کا مرکز بن گیا ہے۔

’’نمّا ٹی پوٹ‘‘ ودھان سودھا اور شیواجی نگر کے قریب وسنت نگر میں، بنگلور کے مشہور مونٹ کیرامل کالج  روڈ کے  بالمقابل قائم کیا گیا ہے۔ چونکہ یہ علاقہ ہمہ وقت طلبہ اور عوام کی چہل پہل سے گونجتا رہتا ہے، اسی لیے افتتاح کے پہلے ہی دن سے اسٹال پر زبردست رش دیکھا گیا۔

جاوید ارمار نے بتایا کہ ’’نمّا ٹی پوٹ‘‘ صبح 6:30 بجے سے رات 9:30 بجے تک کھلا رہے گا۔ یہاں صبح کے ناشتے سے لے کر شام کے اسنیک تک ہر چیز میسر ہوگی۔ عام چائے کے علاوہ مختلف ذائقوں میں جِنجر ٹی، عربین ٹی، لیمن ٹی، جیگری ٹی، منٹ ٹی، کافی، ہارلیکس، بادم ملک، بوسٹ سمیت متعدد فلیورز کے فرش جوسز، ملک شیکس اور تھک شیکس بھی دستیاب ہوں گے۔ کھانے کے شعبے میں بھی کئی لذیذ اسنیک شامل ہیں، جیسے: پنجابی سموسہ، میگی، پِزّا، فرنچ فرائیز، چکن رول، ویج رول، سینڈویچ، لسّی وغیرہ۔

جاوید ارمار کا کہنا ہے کہ گولڈن ٹمپل کے  بالمقابل واقع یہ نیا اسٹال ماحول اور ذائقے کے اعتبار سے منفرد ہے۔ ان کا دعویٰ ہے کہ جو بھی ایک بار ’’نمّا ٹی پوٹ‘‘ آئے گا، وہ یہاں کا مزہ دوبارہ لینے ضرور لوٹے گا۔

یاد رہے کہ بھٹکل تینگن گنڈی کراس پر واقع ’’ٹی پوٹ‘‘ میں چائے اور کافی کے لیے ہمیشہ عوام کا رش رہتا ہے۔ اسی کے ساتھ نوائط کالونی میں انفال سوپر مارکٹ کے بالمقابل قائم ’’ٹی ٹائمس‘‘ بھی بھٹکل میں کافی مقبول ہے، جبکہ مدینہ کالونی کارنر اور تنظیم ملیہ مسجد کے قریب واقع ’’جاوید کولڈ ڈرنکس‘‘ بھی عوام میں بے حد پسند کیا جاتا ہے۔چائے اور اسنیک کے ان اسٹالز کے ساتھ ساتھ، جاوید ارمار پلائی ووڈ اور ٹمبر کے شعبے میں بھی بھٹکل میں اپنی نمایاں پہچان رکھتے ہیں۔