بھٹکل 23/نومبر (ایس او نیوز) کاروار سے موصولہ اطلاع کے مطابق ضلع کے مختلف مقامات پر اینٹی کرپشن بیوریو (اے سی بی) کے افسران عوامی رابطہ اور جانکاری حاصل کرنے کے لئے دورے پر ہیں۔ بتایا گیا ہے کہ کل 24/ نومبر جمعرات کو یہ آفسران بھٹکل کا دورہ کریں گے۔ عوام الناس سے کہا گیا ہے کہ وہ اگر کوئی جانکاری دینا چاہیں توصبح11بجے سے 1بجے تک انسپکشن بنگلو میں ان افسران سے رابطہ قائم  کرسکتے ہیں۔ اسی دن دوپہر 3بجے سے 5بجے تک یہ افسران ہوناور کے ٹورسٹ بنگلوپہنچیں گے جہاں ہوناور کے عوام ان سے رابطہ قائم کرسکتے ہیں۔