ممبئی،19؍اکتوبر(ایس او نیوز؍آئی این ایس انڈیا) مہاراشٹرکی انتخابی مہم میں آل انڈیا مجلس اتحادالمسلمین کے چیف اسد الدین اویسی کی ایک ویڈیو سوشل میڈیا پر وائرل ہو رہی ہے۔ ویڈیو میں اویسی اسٹیج پر رقص کر لوگوں سے ووٹ مانگتے دکھائی دے رہے ہیں۔اب اسے لے کر اویسی نے صفائی دی ہے۔اسد الدین اویسی نے کہاہے کہ ہماری پارٹی کا انتخابی نشان پتنگ ہے اس وجہ سے ایک سیاسی ریلی کے بعد، میں نے پتنگ سے منسلک اپیل کی تھی، کسی نے اس ایکشن کے دوران کچھ آڈیو چلایا اور ایسا لگا کہ میں نے رقص کیا۔یہ انتہائی غلط ہے۔میں ان سب سے زیادہ دور رہتا ہوں۔ دراصل، اسد الدین اویسی کی جمعہ مہاراشٹر کے اورنگ آباد میں انتخابی ریلی تھی۔اورنگ آباد کے پیٹھان گیٹ علاقے میں ایک ریلی سے خطاب کرنے کے بعد اسٹیج سے اترتے وقت اویسی نے پتنگ پر  ایکشن کیا جو بعد میں رقص کے طور پر وائرل ہوگیا۔ اسے سوشل میڈیا پر لوگوں نے جم کر حصہ بھی کیا ہے۔مہاراشٹر میں اسمبلی انتخابات 21 اکتوبر کو ہونے والے ہیں. 24 اکتوبر کو پتہ چلے گا کہ ریاست میں اقتدار کی چوٹی پر کون سی پارٹی بیٹھے گی۔مہاراشٹر میں اسمبلی کی 288 سیٹیں ہیں۔