بنگلورو۔14جنوری (ایس او نیوز)نامور کمپنیوں کے نقلی پرنٹر اور کارٹریج فروخت کررہے ایک دھوکے باز کو گرفتار کرکے سنٹرل کرائم برانچ ( سی سی بی) پولیس نے اس کے قبضہ سے ایک لاکھ روپئے مالیت کے پرنٹرز اورکارٹریج ضبط کرلئے ہیں ۔ گرفتار شدہ دھوکے باز کی شناخت راج گوپال نگر مین روڈ فرسٹ کراس کے سرینواس بھٹ( 37) کے طور پر کی گئی ہے ۔ پولیس ذرائع کے مطابق ملزم راج گوپال نگر پولیس تھانے کی حدودد میں آنے والے 14مین ، 3کراس پر یشہاس مارکیٹنگ نامی دکان قائم کرکے یہاں ایچ پی کمپنی کے نقلی چیزیں فروخت کررہاتھا ۔ اطلاع پاکر سی سی بی پولیس نے دکان پر چھاپے مارکر ملزم کو رنگے ہاتھوں گرفتار کرلیا ہے ۔ اسی سلسلے میں راج گوپال نگر پولیس نے معاملہ درج کرلیا ہے ۔