نئی دہلی 3نومبر (آئی این ایس انڈیا؍ایس او نیوز)سپریم کورٹ کو چار نئے جج مل گئے ہیں۔ جسٹس ہیمنت گپتا، جسٹس آر، سبھاش ریڈی، جسٹس مسٹر شاہ اور جسٹس اجے رستوگی نے سپریم کورٹ کے جج کے طور پر حلف اٹھا لیا۔

سفارش کے بعد ایک دن میں ہی صدر نے چاروں ججوں کی تقرری کے ہدایات جاری کر دیئے ۔ ہائی کورٹ کے چار چیف جسٹس آر سبھاش ریڈی، جسٹس ہیمنت گپتا، جسٹس مسٹر شاہ اور جسٹس اجے رستوگی کو سپریم کورٹ کا جج بنایا گیا ہے۔ سپریم کورٹ میں ججوں کی کل 31 عہدہ  ہیں۔ اب سپریم کورٹ میں ججوں کی تعداد 28 ہو گئی ہے۔ 30 اکتوبر کو سپریم کورٹ میں پانچ ججوں کے کولجیم نے چار نئے ججوں کی تقرری پر منظوری دے دی تھی اور پھر 31 اکتوبر کو مرکزی حکومت کو سفارش بھیج دی تھی۔

گجرات ہائی کورٹ کے چیف جسٹس سبھاش ریڈی، مدھیہ پردیش ہائی کورٹ کے چیف جسٹس جسٹس ہیمنت گپتا، پٹنہ ہائی کورٹ کے چیف جسٹس مسٹر شاہ اور تریپورہ ہائی کورٹ کے چیف جسٹس اجے رستوگی کی ترقی کی سفارش متفقہ طور پر کی گئی۔ سپریم کورٹ میں اس سال کے آخر تک دو ججوں کی نشستیں خالی ہو رہی ہیں۔ جسٹس کورین جوزف نومبر میں اور جسٹس ایم بی لوکر دسمبر میں ریٹائر ہو رہے ہیں۔ اس کے علاوہ جسٹس اے کے سیکری بھی اگلے سال مارچ میں ریٹائر ہو جائیں گے۔ اس سے پہلے اگست مہینے میں ہی سپریم کورٹ میں جسٹس اندرا بنرجی، جسٹس ونیت سر اور جسٹس کے ایم جوزف کو مقرر کیا گیا تھا۔