پیرس21جولائی(ایس او نیوز ؍آئی این ایس انڈیا)فرانس کی فوج کے خفیہ ادارے نے کہا ہے کہ ترکی کی سرحد عبور کرتے ہوئے روزانہ کی بنیاد پر تقریباً ایک سو جہادی شام میں داخل ہو رہے ہیں۔ رپورٹ کے مطابق شام پہنچ کر یہ عسکریت پسند تنظیم اسلامک اسٹیٹ کی صفوں میں شامل ہوتے ہیں۔فرانس کے وزیر خارجہ نے اِس صورت حال کو آج سے واشنگٹن میں شروع ہونے والی دو روز بین الاقوامی مینٹگ میں اٹھانے کا عندیہ دیا ہے۔ فرانسیسی ملٹری انٹیلیجنس رپورٹ اخبار لِیفگارو نے شائع کی ہے۔