بیلتنگڈی میں پانی بھرے گڈھے سے گزرتے وقت بجلی کا شاک لگنے سے نوجوان خاتون ہلاک
بیلتنگڈی ، 29/ جون (ایس او نیوز) تعلقہ کے بارگولا میں پانی سے بھرے ہوئے گڈھے سے گزرتے وقت بجلی کا شاک لگنے سے ایک نوجوان خاتون ہلاک ہوگئی جس کی شناخت پرتیکشا (21 سال) کے طور پر کی گئی ہے ۔
بتایا جاتا ہے کہ الیکٹرک وائر کا انسولیٹر ٹوٹ کر پانی بھرے گڈھے میں گرا تھا اور اپنے گھر تقریباً سو میٹر کی دور پر واقع مین روڈ تک جانے کے لئے جب پرتیکشا نے اس پانی بھرے ہوئے گڈھے سے گزرنے لگی اس کے جسم میں بجلی دوڑ گئی اور شاک کی وجہ سے موقع پر ہی اس کی جان چلی گئی ۔ معلوم ہوا کہ پرتیکشا کو بچانے کی کوشش میں اس کا باپ گنیش شیٹی بھی زخمی ہوا ہے ۔