مودی حکومت، مردم شماری کب کرائے گی؟: کانگریس
نئی دہلی، 11/ جون (ایس او نیوز /ایجنسی) کانگریس نے پیر کے دن کہا کہ وزیراعظم نریندر مودی کو عنقریب ملک کو بتانا ہوگا کہ مردم شماری کب ہوگی۔
اس نے یہ بھی مطالبہ کیا کہ حکومت دیگر پسماندہ طبقات کے زمرہ والی برادریوں کی آبادی کی کتنی ہے یہ بھی بتائے تاکہ سماجی انصاف صحیح معنوں میں ہوسکے۔
کانگریس قائد جئے رام رمیش نے کہا کہ سماجی۔ معاشی ترقی کے لئے جامع مردم شماری لازمی ہے جو مرکزی حکومت ہر 10 سال بعد کراتی ہے۔ پچھلی مردم شماری 2021 میں ہوجانی چاہئے تھی لیکن مودی نے نہیں کرائی۔
یہ مردم شماری نہ کرانے کا فوری نتیجہ یہ نکلا کہ کم ازکم 14کروڑ ہندوستانی 2013کے قومی غذائی سلامتی قانون کے تحت ملنے والے فوائد سے محروم ہوگئے۔ اس قانون کو پی ایم غریب کلیان اَن یوجنا کا نیا نام دیا گیا ہے۔
کانگریس جنرل سکریٹری نے کہا کہ ایک تہائی وزیراعظم کو بتانا ہوگا کہ مردم شماری کب ہوگی۔ کانگریس نے لوک سبھا الیکشن کے اپنے منشور میں وعدہ کیا تھا کہ وہ ذات پات پر مبنی ملک گیر مردم شماری کرائے گی۔