اتر کنڑا کے رکن پارلیمان کاگیری نے مرکزی وزیر گڈکری سے کی ملاقات - نیشنل ہائی وے کے مسائل سے کیا آگاہ
![](https://www.sahilonline.net/uploads/2024/July-2/kageri4.jpg)
نئی دہلی ، 2 / جولائی (ایس او نیوز) اتر کنڑا کے رکن پارلیمان وشویشورا ہیگڑے کاگیری نے مرکزی وزیر برائے روڈ ٹرانسپورٹ نتین گڈکری سے ملاقات کی اور انہیں نیشنل ہائی 66 کے مسائل سے آگاہ کیا ۔
ذرائع سے ملی اطلاع کے مطابق اس ملاقات کے دوران کاگیری نے مرکزی وزیر گڈکری کو میمورنڈم پیش کیا جس میں بھٹکل سے کاروار کے ماجالی تک نیشنل ہائی وے 66 کی چار لین توسیع کا کام جلد از جلد مکمل کروانے کے علاوہ ساگر مالا منصوبے کے تحت منظور شدہ کمٹہ - سرسی اور سرسی ہانگل سڑکوں کو جلد مکمل کروانے کی مانگ کی گئی ہے ۔ اس کے علاوہ برسات کے موسم میں سڑکوں کے رکھ رکھاو اور خراب سڑکوں کی مرمت پر بھی بات چیت کی گئی ۔
بتایا جاتا ہے کہ مرکزی وزیر نے رکن پارلیمان کاگیری سے میمورنڈم قبول کرتے ہوئے ان مسائل کرنے اور ضروری اقدامات کرنے کے سلسلے میں متعلقہ محکمہ کے افسران کو ہدایات جاری کی ۔