اڈپی ،4 / جولائی (ایس او نیوز) شہر کے قلب میں واقع کینّی مولکی میں پٹرول بنک کے پاس پارک کی گئی موٹر بائک کے ڈوم میں سانپ پائے جانے سے بائک رائڈر کے اوسان خطا ہوگئے ۔
    
معلوم ہوا ہے کہ منی پال کے رہنے والے راہل نے اپنی بائک پٹرول بنک کے پاس پارک کی تھی اور وہ ڈرائیونگ کے کام پر نکل گیا تھا ۔ رات 8.30 بجے کام ختم کرکے جب وہ واپس لوٹا اور اپنی بائک پر سوار ہو کر واپس لوٹنے لگا تو 'بِگ بازار' کے قریب پہنچنے پر اس نے دیکھا کہ بائک کے ڈوم ایک سانپ آرام کر رہا ہے ۔ یہ دیکھ کر وہ گھبرا گیا اور بائک کو کنارے لگا کر محکمہ جنگلات کے اہلکاروں کو اس کی اطلاع دی ۔ موقع پر پہنچنے والے محکمہ کے اہلکاروں نے سانپ کو بائک کے ڈوم سے باہر نکالا اور جائزہ لینے کے لئے بعد بتایا کہ وہ ایک غیر زہریلا سانپ ہے ۔  سانپ کو محفوظ مقام پر چھوڑ دیا گیا ۔