اُڈپی:24؍ دسمبر(ایس اؤ نیوز ) ضلع اُڈپی کے پڈوبیدری قومی شاہراہ 66 پر واقع ایک بڑے پٹرول بنک میں بجلی کے کام کے دوران کرنٹ شاک لگنے سے ایک شخص کے ہلاک ہونے کا واقعہ پیش آیا ہے۔

مہلوک کی شناخت لنگ راج (19) کی حیثیت سے کی گئی ہے۔ بتایاگیا ہےکہ پڈوبیدری کی قومی شاہراہ 66کےکنارےایک بڑے پٹرول بنک میں بجلی کے متعلق ارتھنگ کا کام جاری تھا، کھدال سے گڑھا کھودنے کے دوران اچانک کرنٹ کا شاک لگ گیا۔

 لنگ راج، منگلپا، یلپا اور کرن کو پٹرول بنک میں ارتھنگ کے کام کا ٹھیکہ دیا گیا تھا، وہ اپنے طورپر کام کررہے تھے۔ جس کے دوران اچانک کرنٹ کا شاک لگنےسے لنگ راج کی موقع پر ہی موت واقع ہوگئی، جبکہ منگلپا کرنٹ شاک کی زد میں آنے سے زخمی ہوگیا۔

کاپوپولس تھانہ کے سرکل انسپکٹر کے سی پوئیا، پڈوبیدری پی ایس آئی پرشوتم ودیگر پولس اہلکار اطلاع ملتے ہی  جائےوقوع پر پہنچے اور معائنہ کیا۔ اس سلسلےمیں پڈوبیدری پولس تھانہ میں شکایت درج کی گئی ہے۔