اڈپی ، 27 / جولائی (ایس او نیوز) سورتکل کے سمندری علاقے میں خطرناک اشیاء لے جا رہے ایک کارگو جہاز میں آگ لگنے کے بعد ساحلی اضلاع کے لئے ہائی الرٹ جاری کیا گیا ہے ۔
معلوم ہوا ہے کہ خطرناک اشیاء انٹرنیشنل میری ٹائم ڈینجَرَس گوڈس (آئی ایم ڈی جی) زمرہ نمبر 4 سے لدا ہوا کارگو جہاز گجرات کی موندرا بندرگاہ سے روانہ ہوا اور سری لنکا کے کولمبو کی طرف جا رہا تھا ۔ جب یہ جہاز بحیرہ عرب میں نیو منگلورو پورٹ سے دور سورتکل سے 33 ناٹیکل دوری پر تھا تو اس میں آگ لگی ۔
موصولہ رپورٹ کے مطابق پنامہ کے جھنڈے والے ایم وی ایم فرینکفرٹ نامی کارگو جہاز پر 19 جولائی سے لگی ہوئی آگ کو انڈین کوسٹ گارڈ نے 40 گھنٹے تک مسلسل مشقت کے بعد بحھا دیا ہے ۔ مگر حالات کی برابر نگرانی کی جا رہی ہے ۔ کیونکہ جہاز میں آتش گیر مادہ بھرا ہوا ہے جو مائع اور ٹھوس شکل میں موجود ہے ۔ اس وجہ سے خدشہ ظاہر کیا جا رہا ہے کہ اگر دوبارہ اس میں آگ بھڑکتی ہے تو پھر ساحلی علاقے اور سمندر کے لئے بڑی خطرناک صورتحال پیدا ہو سکتی ہے ۔
اڈپی کی ڈپٹی کمشنر ڈاکٹر ودیا کماری نے کوسسٹ گارڈ، سی آر زیڈ افسران، محکمہ ماحولیات اور بندرگاہ سے متعلقہ افسران کو اس ضمن میں تمام ضروری اقدامات کرنے اور کوئی ناگوار صورتحال پیش آنے پر اس سے نپٹنے کی ہدایات جاری کی ہیں ۔
ذرائع کا کہنا ہے کہ انڈین کوسٹ گارڈ کی طرف سے پوری طرح حالات پر نظر رکھی جا رہی ہے اور اس کارگو جہاز کے بحفاظت اس علاقے سے نکلنے کے لئے ضروری اقدامات کیے جا رہے ہیں ۔
ملپے کوسٹ گارڈ کے ایس پی متھن ایچ این نے بتایا کہ اس وقت جہاز میں لگی آگ بجھا دی گئی ہے ۔ اس جہاز پر جملہ 21 افراد کا عملہ تھا جس میں سے ایک شخص کی موت ہونے یا لاپتہ ہوجانے کی بات سامنے آئی ہے ۔ جہاز سے کسی قسم کے مادہ یا تیل کا رساو نہیں ہو رہا ہے ۔ ماہرین حالات کا تجزیہ کر رہے ہیں ، ان کی رپورٹ کے مطابق اگلے اقدامات کیے جائیں گے ۔ ہم ہر قسم کے حالات سے نمٹنے کے لئے پوری طرح تیار ہیں ۔
ایک نظر اس پر بھی
بھٹکل میں آج سے گنیش تہوار شروع؛ پانچ دن تک ہوگی تقریبات؛١٦ ستمبر کو نکالا جائے گا میلادالنبیﷺ کا جلوس؛ امن و امان کے ساتھ تہوار منانے کی انتظامیہ نے کی اپیل
بھٹکل سمیت ملک بھر میں آج سنیچر سے گنیش تہوار منایا جارہا ہے جس کی مناسبت سے تمام سرکاری اداروں اور تعلیمی اداروں میں چھٹی ڈکلیر کی گئی ہے، غیر مسلمانوں کا یہ تہوار بھٹکل میں پانچ دنوں تک جاری رہے گا، جبکہ بعض علاقوں میں یہ تہوار سات دن جبکہ مہاراشٹرا اور دیگر ریاستوں میں ...
کیا بھٹکل پولیس اسٹیشن میں فرض شناس پولیس افسروں کے ساتھ ہو رہی ہے ناانصافی ؟
بھٹکل پولیس اسٹیشن میں ان دنوں چل رہی سیاسی دخل اندازی اور اس کی وجہ سے فرض شناس اور مخلصانہ طور پر اپنی ذمہ داری نبھانے والے افسران کو نشانہ بنا کر ان کے ساتھ کیا جا رہا سلوک اس بات کا اشارہ کر رہا ہے کہ یہاں سب کچھ ٹھیک نہیں ہے ۔
کاروار: اقلیتی طلبہ کے لئے تعلیمی وظیفہ - مستحق طلبہ سے درخواستیں مطلوب
موجودہ تعلیمی سال میں پوسٹ میٹرک اور میرٹ - کم - مینس تعلیمی وظیفہ (اسکالرشپ) کے لئے اقلیتی طلبہ سے درخواستیں طلب کی گئی ہیں
بھٹکل ساحل پر پتھروں سے ٹکرائی ملپے کی ماہی گیر کشتی
بحیرہ عرب میں اٹھنے والی تیز لہروں کی وجہ سے ملپے کی ایک ماہی گیر کشتی بھٹکل کے قریب ساحل پر چٹان کے تودوں سے ٹکرا گئی جس سے کشتی کو خاصہ نقصان پہنچا ہے۔
اُتر کنڑا ایس پی نارائین کی فرض شناسی غیر قانونی سرگرمیوں پر لگا رہی ہے روک
اُتر کنڑا سپرنٹنڈنٹ آف پولیس کا عہدہ سنبھالنے کے بعد ایم نارائین نے جس طرح فرض شناسی کا ثبوت دیا ہے اس سے غیر قانونی سرگرمیوں میں ملوث افراد کے اندر خوف کی لہر دوڑنے لگی ہے جس سے اُمید بندھ گئی ہے کہ ضلع میں چل رہی ایسی غیر قانونی سرگرمیوں پر جلد ہی روک لگے گی ۔
ریاستی حکومت کر رہی ہے وزارتی قلمدانوں میں رد و بدل پر غور - کیا دیشپانڈے کو وزارت ملنے کا امکان ہے ؟
ریاستی کابینہ میں رد و بدل کی سرگوشیاں سنائی دینے کے کانگریس پارٹی کی طرف سے ساتھ سینئر اراکین اسمبلی کے تعلق سے جائزہ لینے کی خبریں عام ہوگئی ہیں ۔ اسی کے ساتھ وزارت اعلیٰ کی کرسی جمائے ہوئے ہلیال کے رکن اسمبلی آر وی دیشپانڈے کو وزارتی قلمدان سونپنے کی بات زیر غور آنے کا ...