نئی دہلی، 20/نومبر (ایس او نیوز /ایجنسی)سپریم کورٹ نے مقدمات کی سماعت کے طریقہ کار میں ایک اہم تبدیلی کی ہے۔ اس نئے فیصلے کے تحت، اب سپریم کورٹ کی بنچ منگل، بدھ، اور جمعرات کو جزوی طور پر مستقل اور انتہائی ضروری مقدمات کی سماعت کر سکتی ہے۔ پہلے کے طریقہ کار میں، ان دنوں کو غیر متنوع ایام سمجھا جاتا تھا، جن میں صرف مستقل مقدمات کی سماعت ہوتی تھی۔ پیر اور جمعہ کو تنوع ایام کے طور پر مخصوص کیا گیا تھا، جن میں نئے مقدمات اور نوٹس کے بعد کے مقدمات کی سماعت ہوتی تھی۔

سپریم کورٹ کے چیف جسٹس سنجیو کھنہ نے نوٹس کے بعد کے مقدمات کے التواء کو کم کرنے کے لیے حال ہی میں نظام میں تبدیلی کی ہے۔ اس کے تحت اب منگل، بدھ اور جمعرات کو منتقلی کی درخواستوں، ضمانت کے متعلق مقدمات اور دیگر متفرق مقدمات کی سماعت کی جائے گی۔ اس کے علاوہ ان دنوں کوئی باقاعدہ مقدمات کی سماعت نہیں کی جائے گی۔

سپریم کورٹ کے ذرائع سے دی گئی اطلاعات کے مطابق یہ تبدیلی بنیادی طور پر نوٹس کے بعد مقدمات کی التواء کو کم کرنے کے لیے کیا گیا ہے۔ ملی جانکاری میں بتایا گیا ہے کہ اگر ضرورت پڑی تو اس نظام کا دسمبر 2024 میں یا اس سے پہلے جائزہ لیا جائے گا۔ واضح ہو کہ ابھی تک نوٹس کے بعد کل مقدمات 37317 ہیں جس میں 20930 اہم اور 16387 متعلقہ مقدمات شامل ہیں۔ وہیں باقاعدہ مقدمات کی تعداد تقریباً 21639 ہے، جس میں 10988 اہم اور 10651 متعلقہ مقدمات ہیں۔