بھٹکل 5/اگست (ایس او نیوز) سکینڈ پی یو سی اسٹوڈینٹس جو  پہلی کوشش کے بعد دوسری کوشش میں بھی ناکام ہوئے ہیں تو اُنہیں   اپنا ایک سال ضائع کرنے سے بچانے کے لئے حکومت کرناٹک  نے اس  بار  تیسرا موقع  فراہم کیا ہے۔ جس کے مطابق  دوسری کوشش میں ناکام ہونے والوں کے لئے 21/ اگست کو  امتحانات شروع ہوں گے، مگر  امتحان میں شریک ہونے والوں کے لئے ضروری ہے کہ وہ 8/اگست سے پہلے پہلے کالج پہنچ کر اپنی امتحانی فیس  بھرے۔ اس بات کی اطلاع انجمن کالج فور ویمن کی پرنسپال  ڈاکٹر فرزانہ محتشم نے دی ہے۔

انہوں نے بتایا کہ  سکینڈ پی یو سی کا ریگولر  امتحان 9/ مارچ  کو ہوا تھا، اُس میں  ناکام ہونے والے بچوں (Repeaters) کے لئے  22 مئی کو امتحانات ہوئے تھے، اب اِس بار طلبہ کو تیسری کوشش کے طور پر اپنے پیپرس کو  کلئیر کرنے اب مزید ایک موقع  فراہم کیا گیا ہے ۔  یہ امتحان 21/اگست سے  2/ستمبر تک ہوں گے۔ مگر اس امتحان میں شریک ہونے کے لئے 8/اگست سے پہلے امتحانی فیس بھرنے کی ہدایت دی گئی ہے۔ ایک مضمون  کی امتحانی فیس 260 روپئے، دو کی 460 اور  تین یا تین سے زائد پیپیرس کی فیس 650 روپیہ ہے۔ امتحان میں شریک ہونے والوں سے کہاگیا ہے کہ  وہ  امتحانی فارم پُر کرکے اُس پر دو پاسپورٹ سائز فوٹو چسپاں کراکر کالج  دفتر میں جمع کرائیں۔

امتحان دینے والے  طلبہ سے درخواست کی گئی ہے کہ اِس تیسری کوشش کا بھرپور فائدہ اُٹھائیں ااور  پہلی فرصت میں امتحانی فیس ادا کرکے اپنی نشست بُک کرائیں۔ کالج پرنسپال سے رجوع ہوکر مزید تفصیلات حاصل کی جاسکتی  ہیں۔

Third Chance for Second PUC Failed Students to Clear Exams - Exam Fee Payment Deadline: August 8th