گلف سے مزید بھٹکلی اسٹوڈینٹس کی نمایاں نمبرات کے ساتھ کامیابی کی خبریں
بھٹکل17/مئی (ایس او نیوز) گریڈ 12 امتحان میں دبئی سے محمد سیف سلمان دامودی، کویت سے حنین ہاشم معلم اور مسقط سے یوشع عُمران سقاف اور سجا تسنیم سہیل ائیکری کی امتیازی نمبرات کے ساتھ نمایاں کامیابی کی خبر شائع ہونے کے بعد اب ابوظبی سے اطلاع موصول ہوئی ہے کہ ابوظبی انڈین اسکول میں تعلیم حاصل کرتے ہوئے فاطمہ بنت فُضیل مصباح نے بھی امتیازی نمبرات کے ساتھ شاندار کامیابی درج کی ہے۔
فاطمہ فُضیل مصباح نے گریڈ 12 کے شعبہ سائنس سے 95.2 فیصد کے ساتھ امتیازی کامیابی حاصل کی ہے۔ اس طالبہ نے انگریزی میں سب سے زیادہ 98 فیصد مارکس حاصل کئے ہیں، کیمسٹری اور بائیولوجی میں 95 فیصد اور فزیکس اور کمپوٹر سائنس میں 94 فیصد مارکس حاصل کئے ہیں۔
ابوظبی انڈین اسکول کےسید علی مُطیب ابن محمد مدثر ایس ایم نے گریڈ 12 کے شعبہ کامرس میں 87.4 فیصد مارکس کے ساتھ امتیازی کامیابی حاصل کی ہے۔
متحدہ عرب امارات کے شارجہ سے ملی اطلاع کے مطابق جیمس ملینیم اسکول سے تعلیم حاصل کرتے ہوئے ثناء بنت محمد سرفراز شاہ بندری نے شعبہ کامرس میں 94.6 فیصد مارکس کے ساتھ نمایاں کامیابی درج کی ہے۔ اس طالبہ نے Informatics Practice میں سو میں سو مارکس اور Artificial Intelligence میں 98 فیصد مارکس لئے ہیں۔
مرکز النوائط ابوظبی کے جنرل سکریٹری جناب آفتاب ایم جے کے فرزند محمد ایم جے نے گریڈ ٹین سی بی ایس سی میں 95 فیصد مارکس کے ساتھ شاندار کامیابی درج کی ہے۔ اس طالب علم نے میتھس سو میں سو مارکس حاصل کئے ہیں۔جبکہ فرنچ میں 98 اور سوشیل سائنس میں 97 فیصد مارکس حاصل کئے ہیں۔
گریڈ ٹین میں ہی انڈین انٹرنیشنل اسکول دبئی کی طالبہ فاطمہ آیرا بنت محمد فہد پٹیل نے 94 فیصد مارکس کے ساتھ نمایاں کامیابی درج کی ہے۔ اس طالبہ نے آرٹی فیشیل انٹلی جینس میں صد فیصد مارکس حاصل کئے ہیں جبکہ فرنچ میں اس نے 96 فیصد مارکس حاصل کئے ہیں۔
واضح رہے کہ فاطمہ فُضیل مصباح، بھٹکل مسلم خلیج کونسل کے صدر جناب عمر فاروق مصباح کی پوتی اوربھٹکل مسلم جماعت ممبئی کے خزانچی جناب محمد فاروق شاہ بندری پٹیل کی نواسی ہیں جبکہ فاطمہ آیرا جناب عمر فاروق مصباح کی نواسی اور جناب محمد فاروق شاہ بندری پٹیل کی پوتی ہیں۔
خلیجی شہروں میں بھٹکلی اسٹوڈینٹس کی شاندار کامیابی پر بھٹکل مسلم خلیج کونسل کے صدر و جنرل سکریٹری سمیت بھٹکل مسلم جماعت دبئی اور مرکز النوائط ابوظبی کے ذمہ داران نے بھی مبارکباد پیش کی ہیں۔