بھٹکل 21/اکتوبر(ایس او نیوز) سات ماہ کے معصوم بچے کی ماں نے  اپنے سسرال میں گھر کی چھت سے لٹک کر خودکشی کرلی جس کی شناخت  شیلا ناگیش دیواڑیگا (29) کی حیثیت سے کی گئی ہے۔ واردات بھٹکل تعلقہ کے بینگرے میں ہفتہ کی صبح پیش آئی۔

پتہ  چلا ہے کہ صبح جب  اس کی ساس  پھول بیچنے بازار گئی ہوئی  تھی  اور شوہر بھی اپنے کام سے گھر سے باہر تھا تو کسی کی غیر موجودگی میں  شیلا نے خودکشی کرلی۔

بتایا گیا ہے کہ اس کی  شادی ہوئے صرف ڈیڑھ سال کا عرصہ گذرا تھا۔ خودکشی کی وجہ معلوم نہیں ہوسکی ہے۔

مرڈیشور پولس تھانہ میں معاملہ درج کیا گیا ہے، پولس چھان بین کررہی ہے۔